Bala óltirgender ne zorlaǵandar ómir boiyna sottalady. Májiliste depýtattar osyndai zań jobalaryn maquladady, - dep habarlaidy Dalanews.kz.
Zań jobalaryna zorlyq-zombylyqqa, basqa da qatygezdikke nemese adamnyń ar-namysyn qorlaýǵa jol bermeý úshin birqatar norma engiziledi:
Birinshiden, densaýlyqqa jeńil ziian keltirgeni úshin 200 AEK deiin aiyppul túrindegi jaza ne 200 saǵatqa deiin qoǵamdyq jumystarǵa tartý nemese 50 táýlikke deiin qamaýǵa alý; úryp-soqqany úshin 80 AEK-ke deiin aiyppul ne 80 saǵatqa deiin qoǵamdyq jumystarǵa tartý nemese 25 táýlikke deiin qamaýǵa alý.
Ekinshiden, kámeletke tolmaǵan ne dármensiz kúidegi adamdy azaptaý, densaýlyǵyna aýyr jáne ortasha ziian keltirgeni úshin jazanyń "bas bostandyǵyn shekteý" balama túri alynyp tastalyp, tek bas bostandyǵynan aiyrý; balany óltirgeni nemese pedofiliia úshin ómir boiy bas bostandyǵynan aiyrý jazasy qoldanylady.
Úshinshiden, kámeletke tolmaǵandarǵa qatysty nemese otbasynda ákimshilik, qylmystyq quqyqbuzýshylyq jasaǵan adamdardyń minez-qulqyna erekshe talaptar qoldanylady. Sot sheshimi boiynsha olardan meditsinalyq uiymdardan psihologiialyq kómek talap etilýi múmkin.
