Prodiýser Baian Maqsatqyzy áleýmettik jelide ózine qatysty aitylǵan synǵa jaýap berdi. Buǵan deiin jazýshy Serik Sybanbaidyń prodiýser týraly pikiri taraǵan edi, dep habarlaidy dalanews.kz.
Jelide taraǵan jazbada avtor Baian Maqsatqyzyn synap, onyń qazaq tildi adamdardy “mámbetke” teńegenin aitqan. Osydan keiin prodiýser Instagram paraqshasynda birneshe storis jariialap, ózine taǵylǵan aiyptardy joqqa shyǵardy.
“Eger siz meniń ákemdi qurmetteseńiz, mundai jiirkenishti jalǵan sózdi eshqashan aitpas edińiz. Men ondai sózderdi eshqashan aitqan emespin, endi ony sotta dáleldeýge týra keledi!”, – dep jazdy Baian Maqsatqyzy.
Sonymen qatar prodiýser ózin qaralap jatqan adamdardyń kóbeigenine narazy ekenin jetkizdi.
“Meniń atymdy qaralaǵysy keletinder qanshama, ózderi eshqandai jaqsy dúnie jasai almaityndar qanshama?!”, – dedi ol.
Baian Maqsatqyzy qazaq tili men ulttyq qundylyqtarǵa qarsy degen pikirlerge de jaýap berdi.
“Meni qaralap, óz tiline, dástúrine, ultyna óshpendi dep aiyptaǵanda, mende bir suraq týady: onda búgingi jastar aityp júrgen ánderdi kim jazdy? Qazaq qyzdary, ar-namys, rýh, qadir-qasiet týraly eń tanymal ánderdi kim shyǵardy?”, – dep jazdy prodiýser.
Ol mundai ánderdiń birneshe jyl buryn jazylǵanyn aityp, qazaq tilinde shyqqan basqa da kóptegen shyǵarmalaryn eske saldy.
