Baǵytymyz aiqyn, bolashaǵymyz jarqyn
Shardara aýdanyna qarasty Aqsheńgeldi aýyldyq okrýginde «Elimizdiń erkindigi – Táýelsizdik!» «Táýelsizdik – tuǵyrym» taqyryptarynda is-shara bolyp ótti.
Aýyldyq Mádeniet saraiynda uiymdastyrylǵan osynaý merekelik sharalarǵa aýyl turǵyndary men aqsaqaldar qaýymy, jastar qatysyp, aýyl ákimi O. Sahov quttyqtaý sóz sóiledi.
– Myńjyldyqtar toǵysar tusynda táýelsizdik tańyn kórý baqyty búgin bizderge buiyryp otyr. Elimizdiń uly tarihyna, ata-baba rýhyna, aǵa urpaqtardyń qaharmandyq ómir jolyna qurmetpen basymyzdy iip, Otanymyz – Qazaqstanǵa degen qurmetteý sezimin ákeletin búgingidei mereke kúni, birligimiz ben eńbegimiz arqyly Sizdermen birge aldaǵy asýlardy alamyz degen senimdemin. Halqymyz Táýelsizdiktiń myzǵymas tuǵyryn bekitip, Máńgilik El bolýǵa bet burdy. Bizdiń baǵytymyz aiqyn, bolashaǵymyz jarqyn. Endeshe osy jolda barshańyzǵa tolaiym tabystar tileimin, – dedi aýyl ákimi.
Jiyn barysynda aýyldyq ardagerler keńesiniń tóraǵasy T. Qoshkeldiev, «Aq altyn» jalpy orta mektebiniń direktory Á.Momynov, aýyldyq áielder keńesiniń tóraiymy R.Shapisheva, Jeltoqsan kóterilisine qatysýshy E.Qojahanov sóz sóilep, egemendiktiń qadir-qasieti týraly áńgimeler aityldy.
Aýyldyq Mádeniet saraiynyń ónerpazdary kontserttik qoiylymdar qoiyp, sahnalanǵan kórinister qoidy. Is-shara sońynda aýyldaǵy turmysy tómen otbasylarǵa qaiyrymdylyq aktsiiasy uiymdastyrylyp, demeýshiler esebinen kómekter kórsetildi.
Shardara aýdan ákiminiń baspasóz qyzmeti
