Baǵdat Mýsınniń jubaıy 2024 jyly 35 mln teńgeden astam tabys tapqan. Al Baǵdat Mýsınniń ózi kiris retinde 0 teńge kórsetken, dep habarlaıdy Dalanews.kz.
Bes.media málimetinshe, Qazaqtelekom basqarma tóraǵasy, burynǵy Sıfrlyq damý mınıstri Baǵdat Mýsın 2024 jylǵa arnalǵan deklarasıasynda tabys retinde 0 teńge kórsetken. Al onyń jubaıy Dına Aýganbaeva-Mýsına ótken jyly 35 mln teńgeden astam tabys tapqan.
Qazaqstan temir joly óz deklarasıalarynan tek bir fılıal — Bas esepteý ortalyǵynyń paıdalaný jónindegi dırektor orynbasary týraly málimet jarıalady. Atalǵan qyzmetti atqaratyn Bekzat Ahmetov kiris retinde 0 teńge kórsetken. Al onyń jubaıy Dınara Ahmetova 1,8 mln teńge tabys alǵan.
Al Báıterek holdıńinde basqarma tóraǵasynyń orynbasary Tımýr Onjanov óz kirisi týraly aqparatty ashyq kórsetti. Onyń 2024 jylǵy tabysy 17 430 559 teńgeni quraǵan.
