Qazaqstan Úkimetiniń keńeitilgen otyrysynda Premer-ministr Oljas Bektenov elimizde baǵany retteýdi (deregýliatsiia) kezeń-kezeńimen júzege asyrý jumystary bastalǵanyn málimdedi, dep habarlaidy Dalanews.kz.
Onyń aitýynsha, bul ózgerister janar-jaǵarmai (JJM), gaz, kommýnaldyq qyzmetter men temirjol tasymaly salalaryn qamtidy.
“Úkimet janar-jaǵarmai men gazǵa, sonymen qatar turǵyn úi-kommýnaldyq sharýashylyǵy jáne temirjol tarifterine baǵany birtindep yryqtandyrýda. Naryqtyq baǵaǵa jaily ótýdiń arqasynda osy salalarǵa qajetti investitsiialar tartylyp, janar-jaǵarmai tapshylyǵynyń aldyn alýǵa bolady. Degenmen kúrt baǵa ósimine jol bermeýge tyrysamyz”, – dedi Bektenov.
Sarapshylardyń pikirinshe, Qazaqstandaǵy baǵa saiasatynyń birtindep liberalizatsiialanýy – infraqurylymdyq jobalar men energetika sektoryna jeke investitsiialardy tartý úshin jasalǵan mańyzdy qadam. Al Úkimet halyqtyń áleýmettik jaǵdaiyna teris áser etpes úshin baǵa ósimin “barynsha baqylaýda ustaitynyn” atap otyr.
