Baǵanashyl yqsham aýdanynda ornalasqan №2 Balalardy qoldaý ortalyǵynyń ǵimaratyna rekonstrýktsiia júrgizý josparlanýda. Jóndeý jumystary kezinde balalar ýaqytsha №1 mektep-internatqa ornalastyrylady. Bul týraly Almaty qalasy ákiminiń orynbasary Azamat Qaldybekov Óńirlik kommýnikatsiialar qyzmetiniń baspasóz konferentsiiasynda málimdedi, dep habarlaidy Dalanews.kz.
Búginde №2 Balalardy qoldaý ortalyǵynda 100 tárbielenýshi bar, olardyń 13-i – mektepke deiingi jasta, 87-si – mektep oqýshylary. Buǵan deiin BAQ-ta balalardy oblysqa kóshirý máselesi talqylanǵan bolatyn, barlyq tárbielenýshilerdiń Almatyda qalatyny jóninde sheshim qabyldandy.
«Prezidenttiń tapsyrmasyna sáikes ortalyq ǵimaraty tolyq jóndeýden ótedi. «Integra» JShS áleýmettik jaýapkershilik aiasynda bul mindettemeni óz moinyna alyp, balalardy kóshirýge daiyn», – dep atap ótti Azamat Qaldybekov.
Balalardy ornalastyrý máselesi qalalyq Bilim basqarmasynyń baqylaýynda. Basqarma basshysy Sairan Saifedenovtiń aitýynsha, ýchaske aýmaǵynda eski nysandy buzyp, jańa ǵimarat salýdy kózdeitin jobalyq-smetalyq qujattama ázirlenýde.
«Balalardy Bilim basqarmasyna qarasty №1 mektep-internatqa kóshirý máselesi sheshildi. Eki apta buryn bul internatta «Januia» arnaiy úiiniń 90-nan astam tárbielenýshisi turǵan bolatyn. Jalpy aýmaǵy 1 113,1 sharshy metr, 18 bólmeden turatyn ǵimaratta aǵymdaǵy jóndeý jumystary júrgizildi. Apta sońyna qarai balalar kóship, ortalyq bosatylǵannan keiin qurylys kompaniiasy jóndeý jumystaryna kirisedi», – dedi Sairan Saifedenov.
Qazirgi ýaqytta qalada erekshe bilim berý qajettiligi bar balalarǵa arnalǵan 8 arnaiy mektep-internat jumys isteidi. Onda 2 668 oqýshy bilim alyp jatyr (onyń ishinde 1 794-i internatta, 874-i úide oqytylady). Sonymen qatar ómirlik qiyn jaǵdaiǵa tap bolǵan kámeletke tolmaǵandarǵa kómek kórsetetin 4 uiym qyzmet atqaryp keledi. Bul mekemelerde barlyǵy 446 bala tárbielenip otyr.
Sondai-aq, 2025 jylǵy 20 qyrkúiekte Almatyda qurylys kompaniiasy BI Group qarajaty esebinen (6 mlrd teńge kóleminde) salynǵan jańa «Januia» arnaýly kesheni ashylǵany atap ótildi. Bul joba áleýmettik máselelerdi sheshýde memleket pen biznes tiimdi jumys istei alatynyna mysal bolady.
