Áleýmettik jelide "Baǵanashyl" balalar úiiniń tárbielenýshileri taǵy bir úndeý jasady,, dep habarlaidy Dalanews.kz.
Olar ózderin bólmeýdi surap, bilikten ýádesinde turýyn ótindi. Ákimdik bul jaǵdaiǵa pikir bildirdi.
Almaty ákimdigi málimetinshe, "Baǵanashyl" balalar úiiniń tárbielenýshileri óz ortalyǵy aýmaǵynda turyp, Almaty qalasynda bilim alýyn jalǵastyrady.
"Qazir Almaty qalasy men Almaty oblysynyń ákimdikteri nysandy qala qaramaǵyna berý jumystaryn júrgizip jatyr. Tárbielenýshilerge zamanaýi ári qaýipsiz jaǵdai jasaý maqsatynda balalar úiiniń ǵimaratyna keshendi qaita jańǵyrtý jumystary josparlanyp otyr. Bul jumystar tiisti rásimderden ótkennen keiin, iaǵni kelesi jyly bastalady", - dedi ákimdik ókilderi.
Ákimdik ókilderi balalar birinen biri bólinbeitinin málimdedi.
"Tárbielenýshiler Almaty qalasyndaǵy qazir ózderi oqyp júrgen mektepte bilim alýyn jalǵastyrady. Balalardy Qonaev qalasyna kóshirý máselesi qarastyrylyp jatqan joq. Balalardyń oqýy men turmys jaiy árdaiym jiti baqylaýda", - dep jazylǵan habarlamada.
Aita keteiik, buǵan deiin Prezident Qasym-Jomart Toqaev Almatydaǵy balalar úii tárbielenýshilerin kóshirý týraly sheshimdi toqtatýdy tapsyrdy.
