Almatynyń burynǵy ákimi ári «Nur Otan» partıasy tóraǵasynyń eks-birinshi orynbasary Baýyrjan Baıbek óz qyzmetin shetelde jalǵastyryp júr, dep habarlaıdy Dalanews.kz NegeAqsha-ǵa siltep.
Bul týraly onyń ápkesi Aıgúl Baıbek habarlaǵan.
"Memlekettik jáne qoǵamdyq qyzmetten bosaǵan adam retinde ol eki jyldan astam ýaqyt boıy Arab Ámirlikterinde bilim alyp, jumys istedi. Negizgi baǵyty – Qazaqstandaǵy jobalarǵa sheteldik ınvestısıa tartý boldy", - deıdi Aıgúl Baıbek.
Onyń sózinshe, sońǵy 1,5 jyl ishinde Baýyrjan Baıbek Japonıada eńbek etip, qazaqstandyq naryqqa engizý úshin japon kapıtaly men noý-haýdy tarta otyryp, ınovasıalyq jobalardy damytyp jatyr.
"2022 jyldyń naýryzynan beri ol «onlaın» formatta Aqmola oblysynda eń ozyq nemis tehnologıasymen salalyq óńdeý óndirisin qurýǵa ınvestısıa salyp jatqan «Qazaq Kaolin» kompanıasynyń keńesshisi bolyp qyzmet atqarady», – deıdi ol.
Ol Baýyrjan Baıbektiń saıasattan tolyq ketkenin, sondyqtan óziniń basqaratyn «Aray Media Group» JSHS-iniń býhgalterin qýdalaýdy uıymdastyra almaıtynyn jáne sot úkimderine áser ete almaıtynyn atap ótti.
