الماتىنىڭ بۇرىنعى اكىمى ءارى «نۇر وتان» پارتياسى ءتوراعاسىنىڭ ەكس-بىرىنشى ورىنباسارى باۋىرجان بايبەك ءوز قىزمەتىن شەتەلدە جالعاستىرىپ ءجۇر، دەپ حابارلايدى Dalanews.kz NegeAqsha-عا سىلتەپ.
بۇل تۋرالى ونىڭ اپكەسى ايگۇل بايبەك حابارلاعان.
"مەملەكەتتىك جانە قوعامدىق قىزمەتتەن بوساعان ادام رەتىندە ول ەكى جىلدان استام ۋاقىت بويى اراب امىرلىكتەرىندە ءبىلىم الىپ، جۇمىس ىستەدى. نەگىزگى باعىتى – قازاقستانداعى جوبالارعا شەتەلدىك ينۆەستيسيا تارتۋ بولدى"، - دەيدى ايگۇل بايبەك.
ونىڭ سوزىنشە، سوڭعى 1،5 جىل ىشىندە باۋىرجان بايبەك جاپونيادا ەڭبەك ەتىپ، قازاقستاندىق نارىققا ەنگىزۋ ءۇشىن جاپون كاپيتالى مەن نوۋ-حاۋدى تارتا وتىرىپ، يننوۆاسيالىق جوبالاردى دامىتىپ جاتىر.
"2022 جىلدىڭ ناۋرىزىنان بەرى ول «ونلاين» فورماتتا اقمولا وبلىسىندا ەڭ وزىق نەمىس تەحنولوگياسىمەن سالالىق وڭدەۋ ءوندىرىسىن قۇرۋعا ينۆەستيسيا سالىپ جاتقان «Qazaq Kaolin» كومپانياسىنىڭ كەڭەسشىسى بولىپ قىزمەت اتقارادى»، – دەيدى ول.
ول باۋىرجان بايبەكتىڭ ساياساتتان تولىق كەتكەنىن، سوندىقتان ءوزىنىڭ باسقاراتىن «Aray Media Group» ءجشس-ىنىڭ بۋحگالتەرىن قۋدالاۋدى ۇيىمداستىرا المايتىنىن جانە سوت ۇكىمدەرىنە اسەر ەتە المايتىنىن اتاپ ءوتتى.
