Resei Federatsiiasynyń eksporttaýshylar men importtaýshylar qaýymdastyǵy (RF EIQ) 2025 jyly jalpy infliatsiiaǵa, kólik shyǵyndarynyń ósýine jáne Ortalyq banktiń basty syiaqy mólsherlemesiniń joǵary bolýyna bailanysty azyq-túlik baǵalarynyń 15%-ǵa qymbattaýy múmkin ekenin eskertti, dep habarlaidy Dalanews.kz.
RF EIQ vitse-prezidenti Artýr Leerdiń aitýynsha, 2025 jyly súttiń ortasha quny qazirgi mánnen 10-15% -ǵa, siyr etiniń baǵasy 12%-ǵa, shoshqa etiniń baǵasy 10%-ǵa, jemister men kókónister 15-20%-ǵa qymbattaýy múmkin. Jalpy ósim shamamen 15% quraidy.
Baǵalar ósimi Reseidegi joǵary infliatsiiamen, TKSh qyzmetteriniń, kólik tarifterimen, joǵary bazalyq mólsherlememen, qymbat nesielermen jáne t.b. bailanysty.
Reseidegi infliatsiia Qazaqstanda da tikelei kórinis tabady, óitkeni biz azyq-túliktiń kóp bóligin Reseiden importtaimyz, osylaisha reseilik infliatsiiany da qosa "satyp alamyz". 2024 jyldyń tek birinshi jartyjyldyǵynda Qazaqstan 2,2 mlrd dollardan artyq somaǵa reseilik ónimderdi satyp alǵan.
QR Ulttyq banktiń aqsha-kredit saiasaty jónindegi baiandamasynda keltirilgendei, Qazaqstan Reseiden (barlyq importtan) konservilengen kókónisterdiń 88%-yn, qanttyń 71%-yn, shujyq ónimderiniń 67%-yn jáne súzbeniń 44%-yn importtaidy. Mundai jaǵdai Reseidegi infliatsiia Qazaqstan naryǵyna da tikelei áser etetinin kórsetedi.
Seriktes elderdegi geosaiasi jáne ekonomikalyq jaǵdaidaǵy ózgerister Qazaqstandaǵy baǵanyń ósýine áser etýi múmkin, - dep atap ótti QR Ulttyq bank mamandary.Máselen, 2022 jyly geosaiasi shielenis, álemdegi infliatsiianyń ósýi jáne teńgeniń nominaldy baǵamynyń qunsyzdanýy aiasynda Qazaqstanda importtyq infliatsiia kólemi aitarlyqtai ósti. Onyń azyq-túlik infliatsiiasyndaǵy úlesi bir jyl ishinde ortasha eseppen, iaǵnm 2021 jylǵy 2%-dan 2022 jyly 5,8%-ǵa deiin ósti. Sonymen qatar, Reseiden azyq-túlik taýarlary kóp importtalatyndyǵyna erekshe nazar aýdarý kerek.
"... Bul turǵyda Reseidegi infliatsiianyń údeýi jáne rýblge shaqqanda teńge baǵamynyń álsireýi Qazaqstandaǵy azyq-túlik infliatsiiasynyń jedeldetý táýekelderin arttyrýy múmkin", delingen QR Ulttyq banki baiandamasynda.
Sonymen qatar, Ulttyq bank atap ótken Reseidegi jaǵdaiǵa bailanysty taǵy bir qater bar.
"Qazirgi ýaqytta Resei sanktsiialarǵa bailanysty jumys kúshiniń tapshylyǵyna, sondai-aq óndiristik qýat shekteýlerine tap bolýda. Bul óndiris salalaryndaǵy qysymdy kúsheitedi, onda da tutynýshylyq suranystyń joǵary bolýy sipatynda. Eger shekteýler saqtalsa nemese sanktsiialar kúsheitilse, Qazaqstanǵa importtalatyn azyq-túlik taýarlary kóleminiń qysqarý qaýpi bar", delingen QR Ulttyq banki baiandamasynda.
Osy jaǵynan alǵanda, aldaǵy ýaqytta azyq-túlik baǵasynyń qymbattaýy Qazaqstandaǵy infliatsiia deńgeiiniń ósýine yqpal etýi múmkin. Bul jaǵdai, ásirese, halyqtyń áleýmettik jaǵdaiyna áser etip, qazaqstandyqtardyń negizgi tutyný taýarlaryna degen shyǵyndaryn arttyrady.
Buǵan deiin Saýda ministrligi azyq-túlik baǵalary ósimine qatysty málimdeme jasaǵanyn jazǵan bolatynbyz.
