«Jumysta syn mindetti túrde bolady. Synǵa jaqsy qaraimyn. Biraq istelgen sharýany da joqqa shyǵarýǵa bolmaidy. Qala, ol – úlken aǵza ispettes. Sondyqtan da problemalar árqashan bolady. Al alǵa qoiylǵan tapsyrmalardy áraiym oryndaý kerek. Men ákimdikte 11 jyl jumys istedim. Sondyqtan bul men úshin jańa damý satysy, jańa jaýapkershilik. Óńirde áriptesterimmen atqarǵan jumysty endi respýblikalyq deńgeide atqaratyn bolamyz. Sondyqtan da jumys dál ákimdiktegidei, tek aýqymy keń», – dedi Kólginov.
Altai Kólginov jańa qyzmetindegi jalaqysyn da, ai saiynǵy azyq-túlikke jumsaityn aqshasyn da jasyrmady.
«Jalaqymda asa ózgeris joq. Áli kelisim shartqa qol qoimadym. Al otbasym azyq-túlikke ai saiyn shamamen 300-350 myń teńge jaratady», – dedi Altai Kólginov.
Altai Kólginov Premer-ministrdiń orynbasary reinde birqatar áleýmettik máselelermen ainalysatynyn aitty. Olardyń qatarynda bilim berý, densaýlyq saqtaý, mádeniet jáne sport salalary bar.
«Áleýmettik máselede eń bastysy, ol – jumyspen qamtý. Qazir ministrlik áleýmettik kodekspen ainalysyp jatyr. Ol qazir depýtattarmen talqylanýda. Áleýmettik kodeks óziniń oń septigin tigizedi. Infliatsiia asqaqtamaý úshin bizde ózimizdiń óndirisimiz bolýy kerek. Ony jasaýymyz kerek. Bizde óndirimeitin taýarlardy ózimizde óndirý kerek», – dedi ol.
https://dalainside.kz/12/manyzdy/12/2022/779/
