«جۇمىستا سىن مىندەتتى تۇردە بولادى. سىنعا جاقسى قارايمىن. ءبىراق ىستەلگەن شارۋانى دا جوققا شىعارۋعا بولمايدى. قالا، ول – ۇلكەن اعزا ىسپەتتەس. سوندىقتان دا پروبلەمالار ءارقاشان بولادى. ال العا قويىلعان تاپسىرمالاردى ءارايىم ورىنداۋ كەرەك. مەن اكىمدىكتە 11 جىل جۇمىس ىستەدىم. سوندىقتان بۇل مەن ءۇشىن جاڭا دامۋ ساتىسى، جاڭا جاۋاپكەرشىلىك. وڭىردە ارىپتەستەرىممەن اتقارعان جۇمىستى ەندى رەسپۋبليكالىق دەڭگەيدە اتقاراتىن بولامىز. سوندىقتان دا جۇمىس ءدال اكىمدىكتەگىدەي، تەك اۋقىمى كەڭ»، – دەدى كولگىنوۆ.
التاي كولگىنوۆ جاڭا قىزمەتىندەگى جالاقىسىن دا، اي سايىنعى ازىق-تۇلىككە جۇمسايتىن اقشاسىن دا جاسىرمادى.
«جالاقىمدا اسا وزگەرىس جوق. ءالى كەلىسىم شارتقا قول قويمادىم. ال وتباسىم ازىق-تۇلىككە اي سايىن شامامەن 300-350 مىڭ تەڭگە جاراتادى»، – دەدى التاي كولگىنوۆ.
التاي كولگىنوۆ پرەمەر-مينيستردىڭ ورىنباسارى رەىندە ءبىرقاتار الەۋمەتتىك ماسەلەلەرمەن اينالىساتىنىن ايتتى. ولاردىڭ قاتارىندا ءبىلىم بەرۋ، دەنساۋلىق ساقتاۋ، مادەنيەت جانە سپورت سالالارى بار.
«الەۋمەتتىك ماسەلەدە ەڭ باستىسى، ول – جۇمىسپەن قامتۋ. ءقازىر مينيسترلىك الەۋمەتتىك كودەكسپەن اينالىسىپ جاتىر. ول ءقازىر دەپۋتاتتارمەن تالقىلانۋدا. الەۋمەتتىك كودەكس ءوزىنىڭ وڭ سەپتىگىن تيگىزەدى. ينفلياسيا اسقاقتاماۋ ءۇشىن بىزدە ءوزىمىزدىڭ ءوندىرىسىمىز بولۋى كەرەك. ونى جاساۋىمىز كەرەك. بىزدە وندىرىمەيتىن تاۋارلاردى وزىمىزدە ءوندىرۋ كەرەك»، – دەدى ول.
https://dalainside.kz/12/manyzdy/12/2022/779/
