Túrkistan oblysy Qazyǵurt aýdanynda nóser jaýynnan keiin birneshe eldi mekende kósheler men aýlalardy sý basty, dep habarlaidy dalanews.kz.
Túrkistan oblysy TJD málimetinshe, 1 qazanda Aqbastaý aýylynda jaýyn-shashyn saldarynan kósheler men turǵyn úilerdiń jertólelerine sý jinalǵan. Taýly aimaqtaǵy sý tómen qarai aǵyp, Qosaǵash, Qyzylseńgir jáne Turbat aýyldaryna da jetken.
Áleýmettik jelide taraǵan videolardan aýyldardy jalǵaityn joldar men eldi meken kóshelerin sý basqanyn kórýge bolady.
Qazyǵurt aýdany ákimdiginiń aqparatyna súiensek, oqiǵa ornyna 9 arnaiy tehnika men 64 adam jumyldyrylǵan. Qazir sel saldaryn joiý, aýmaqtardy tazartý jáne turǵyndardyń qaýipsizdigin qamtamasyz etý jumystary júrgizilip jatyr.
Aldyn ala málimet boiynsha adam shyǵyny men búlingen úiler tirkelmegen.
