Kezdesýge básekelestikti qorǵaý jáne damytý departamenti, oblystyq statısıka departamenti men aýyl sharýashylyǵy basqarmasy, oblystyq turaqtandyrý qory basshylary, sondaı-aq Túrkistan qalasyndaǵy iri saýda marketteri men kóterme saýda bazarlarynyń basshylary qatysty. Basqosýda áleýmettik mańyzy bar azyq-túlik taýarlarynyń baǵalaryna monıtorıń barysy men baǵa ósimin aldyn alýǵa qarsy baǵyttalǵan sharalardy iske asyrý jumystary talqylandy.
Oblys ákimdigimen qabyldanǵan Qaǵıda talaptary men kásipkerler úshin jasalǵan jaǵdaılardyń tıimdi jaqtary jan-jaqty túsindirildi. Oblys turǵyndary úshin mańyzdysy, saýda oryndary basshylarymen ózara túsinistik jaǵdaıynda birlesken sharalardy atqarý jóninde naqty sheshim qabyldandy. Demek, aldaǵy ýaqytta barlyq áleýmettik mańyzy bar azyq-túlik taýarlarynyń baǵasy tolyq oblystyq ákimdiktiń baqylaýynda bolady.
Aıta keterligi, Túrkistan oblysy ákimdiginiń 2019 jylǵy 4 qarashadaǵy «Áleýmettik mańyzy bar azyq-túlik taýarlaryna baǵalardy turaqtandyrý tetikterin iske asyrýdyń Qaǵıdalaryn bekitý týraly» №256 qaýlysy bekitilgen bolatyn.
Túrkistan oblysy óńirlik komýnıkasıalar qyzmeti
