Azyq-túlik baǵasy ákimdik baqylaýynda
Birinshi. "Ainalym tetigi" jobasy jalǵasýda. Jobaǵa qatysýshylar sany 4 jeliden 9 jelige deiin keńeitildi. Olar: "Magným", "Astyqjan", " Keńmart", "Anvar", "Rahmet", "Aqmol", "Bigshanhai", "Shapaǵat", "Vkýsmart". Budan basqa, saýda jelilerine azyq-túlik satyp alýǵa bólinetin soma 24 esege jýyqtady, iaǵni 180 mln teńgeden 4,3 mlrd teńgege deiin (sońǵy 4 jylda) ulǵaidy. Bul ónimderdi belgilengen baǵamen satýǵa múmkindik beredi: kartop, piiaz, qyryqqabat, sábiz, kúrish, qaraqumyq, kúnbaǵys maiy, jumyrtqa, un, qus eti, sút, súzbe jáne t.b.
Mysaly, kartop baǵasy 225 teńgeden bastalady. «Sharyn» kóterme saýda bazarynda kartop 270 tg/kg baǵamen satylady, «KeńMart» dúkeninde kartoptyń baǵasy 288 tg/kg, «Aqmol» dúkender jelisinde 320 tg/kg jáne t.b.
Ekinshi. 3 fermerlik sharýashylyqpen 665 mln teńgege jýyq somaǵa "forvardtyq kelisimsharttar" jasaldy (398 300 mln.teńge somaǵa "AA Agro" JShS, 105 074 mln.teńge somaǵa "Kereký agro" JShS, 260 910 mln.teńge somaǵa "Astyq PV" JShS). Maýsymaralyq kezeńde, iaǵni olardyń baǵasy ósken kezde kókónis ónimderi qolaily baǵamen satylady. Osylaisha, satylatyn ónimder tikelei sórelerge túsedi.
Úshinshi. Nan baǵasyn turaqtandyrý jumysy jalǵasýda. Ol úshin otandyq óndirýshilerden un satyp alýǵa jergilikti biýdjetten qosymsha 600 mln.teńge bólindi. Unnyń bul mólsheri kelesi egin jinalǵanǵa deiin, iaǵni 2022 jyldyń qyrkúiegine deiin jetkilikti bolady.
Tórtinshi. Sáýir aiynan bastap Aqmola oblysy Tselingrad aýdanynyń taýar óndirýshileriniń jáne Nur-Sultan qalasy kásipkerleriniń qatysýymen taýar óndirýshiler men kóterme satýshylardyń baǵalary boiynsha demalys kúngi aýyl sharýashylyǵy jármeńkeleri (Saýran, 7 jáne Qosshyǵululy, 14) ótkiziledi.
Sonymen qatar, jaqyn arada respýblika óńirleriniń qatysýymen jármeńkeler maýsymy ashylady. 14 jármeńke ótkizý josparlanýda. Jármeńkeler arqyly azyq-túlikti 10-15%-ǵa tómen baǵamen satyp alý jaǵdaiy jasalady.
Besinshi. Jalpy aýdany shamamen 50 myń sharshy metr bolatyn 3 kóterme-taratý ortalyǵyn salý úshin investorlar jumyldyryldy, nátijesinde jeke investitsiialar somasy shamamen 15 mlrd.teńgeni quraidy. Bul kóterme-taratý ortalyǵynda azyq-túlikti úlken kólemde saqtaýǵa múmkindik beredi.
