Ishki ister ministrligi terrorizm aktisi týraly kórineý jalǵan habarlama úshin jaýapkershilik baryn eske saldy, dep habarlaidy Dalanews.kz.
Mundai áreketter úshin Qazaqstan Respýblikasy Qylmystyq kodeksiniń 273-babyna sáikes jaýapkershilik kózdelgen.
"Jarylǵysh zat qoiylǵany nemese ózge de qaýipter týraly jalǵan aqparatty bailanys quraldary, internet resýrstar, messendjerler men áleýmettik jeliler arqyly taratý tirkelip otyr. Mundai áreketter ázil, qaljyń retinde jasalsa da, qylmystyq quqyqbuzýshylyq retinde baǵalanady", - dedi IIM ókili.
Terrorizm aktisi týraly kórineý jalǵan habarlamalar qoǵamdyq qaýipsizdikke qaýip tóndirip, jappai evakýatsiiaǵa, memlekettik organdardyń, bilim berý, meditsinalyq jáne basqa da áleýmettik nysandardyń jumysy toqtaýyna ákeledi. Bul qylmysty jasaǵany úshin QR zańnamasyna sáikes bas bostandyǵynan aiyrýǵa deiingi jaza qarastyrylǵan.
Politsiia azamattardy:
- tekserilmegen aqparatty taratpaýǵa;
- jalǵan shaqyrýlar men habarlamalar jasamaýǵa,
- balalarǵa terrorizm aktisi týraly jalǵan habarlamalar úshin jaýapkershilik bar ekenin túsindirýge;
- mundai habarlamalar alǵan jaǵdaida dereý politsiiaǵa habarlaýǵa shaqyrady.
