Ázerbaijan Irandaǵy diplomatiialyq qyzmetkerlerin tolyqtai keri qaitarý týraly sheshim qabyldady. Bul týraly eldiń syrtqy ister ministri Djeihýn Bairamov málimdedi, dep habarlaidy Dalanews.kz.
Ministrdiń aitýynsha, sheshimdi Ázerbaijan prezidenti Ilham Aliev qabyldaǵan. Qazir Irandaǵy diplomattardy kezeń-kezeńimen elge qaitarý jumystary júrip jatyr. Bul shara Tegerandaǵy elshilik pen Tebrizdegi konsýldyqqa qatysty.
Djeihýn Bairamovtyń sózinshe, buǵan deiin ol Irannyń syrtqy ister ministrimen telefon arqyly sóilesip, máseleni talqylaǵan. Iran tarapy oqiǵaǵa bailanysty jan-jaqty tergeý júrgizýge ýáde bergen. Baký sol tergeýdiń nátijesin kútedi.
Aita keteiik, 5 naýryzda Iran aýmaǵynan ushyrylǵan drondar Nahchyvan qalasyndaǵy áýejai mańyna qulaǵany habarlanǵan edi. Keiin Ázerbaijan SIM áýejai ǵimaratyna zaqym kelgenin jáne birneshe beibit turǵyn jaralanǵanyn málimdedi.
