Ázerbaijanda Qazaqstan úshin salynatyn jańa konteinerlik kemelerdiń qurylysy bastaldy. Bul týraly Kólik ministrligi habarlady, dep habarlaidy dalanews.kz.
Baký keme jasaý zaýytynda syiymdylyǵy 780 TEU bolatyn alǵashqy mamandandyrylǵan konteinerlik kemeniń kilin qalaý rásimi ótti. Joba sheteldik seriktespen birlesip júzege asyrylýda.
Ministrlik málimetinshe, 2027 jyldyń sońyna deiin Kaspii teńizinde konteinerlik júk tasymalyna arnalǵan eki zamanaýi konteinerlik kemeni paidalanýǵa berý josparlanǵan.
Vedomstvo jańa kemeler teńiz arqyly konteinerlik tasymal kólemin arttyryp, logistikalyq tiimdilikti kúsheitýge jáne Transkaspii halyqaralyq kólik baǵyty – Orta dáliz boiyndaǵy Qazaqstannyń rólin nyǵaitýǵa múmkindik beretinin atap ótti.
Sonymen qatar eki qurǵaq júk kemesin salý jónindegi kelisimge de qol qoiylǵan. Qazirgi ýaqytta olardyń jobalyq sheshimderi ázirlenip jatyr.
Jospar boiynsha, qurǵaq júk tasymaldaityn kemelerdi tapsyrý 2028 jylǵa belgilengen.
