Azat Perýashev bastaǵan «Aq joldyń» úgit-nasihat toby Shymkentke keldi
«Aq jol» partiiasynyń tóraǵasy Azat Perýashev Shymkent qalasynyń sailaýshylarymen kezdesti. Osy rette «Aq jol» demokratiialyq partiiasynyń úgit-nasihat toby partiia kóshbasshysymen birge ońtústik megapoliste birneshe kezdesý ótkizdi.
Birinshi kezekte «aqjoldyqtar» Shymkent qalasyndaǵy №53 orta mektepte boldy. Atalmysh mektepte 2 myńnan astam oqýshy oqidy jáne 200-ge jýyq muǵalim jumys isteidi. «Aq jol» partiiasynyń úgit-nasihat toby ózderiniń sailaýaldy baǵdarlamasymen tanystyryp, bilim berý salasyndaǵy problemalardy joiý jónindegi jumystar týraly aityp berdi.
Budan keiin partiia músheleri saiasi qýǵyn-súrgin qurbandarynyń memorialyna gúl shoqtaryn qoiyp, «Aq joldyń» qalalyq filialynyń úgit-nasihat avtosherýine qatysty.
Sonymen qatar, «aqjoldyqtar» «SKAT» áýekompaniiasynyń basshylyǵymen jáne ujymymen kezdesti. Kezdesý barysynda halyqaralyq áýejai qurylysy máseleleri talqylandy. Qurylys jumystaryn júrgizip jatqan investor nysanda negizinen otandyq óndiristiń qurylys materialdary paidalanylanylyp, jumysqa jergilikti kadrlar da tartylyp jatqanyn alǵa tartty. Tórt qabatty jańa terminal qurylys jumystary aiaqtalǵannan keiin saǵatyna 2 myń jolaýshyny qabyldai alatyn múmkindikke ie. Áýekompaniia prezidenti Vladimir Denisovtyń aitýynsha, bul úlken aviatsiialyq hab bolmaq. Óz kezeginde «Aq jol» partiiasynyń tóraǵasy Azat Perýashev megapoliste nysan salýdyń mańyzdylyǵyn atap ótti.
– Eýropa men Aziia arasynda ornalasqan el retinde Qazaqstannyń kólik jáne logistika salasyndaǵy bolashaǵy zor. Temirjol kóligimen konteinerlik tasymaldaý kóleminiń kúrt ósýi baiqalady. Biz aviatsiialyq habtardyń áli de tiisti dárejede baǵalanbaitynyn baiqap otyrmyz. Mundai nysannyń ashylýy tranzittik tasymaldarǵa baǵyttalǵan, jalpy el damýynyń jańa kezeńin ashady dep oilaimyn, – dedi Azat Perýashev.
Saiasi uiym jetekshisi «Aq jol» sailaýaldy baǵdarlamasynyń negizgi baǵyttary, partiianyń kásipkerlerdi qoldaý jónindegi jumysy, áleýmettik saladaǵy bastamalary, qol jetkizgen oń nátijeler týraly aityp berdi.
– Karantin halyqtyń kedeiliginiń ósýine alyp keldi, kez kelgen memlekettiń áleýmettik tiregi bolyp otyrǵan shaǵyn jáne orta biznes jumysyn tejedi. Biýdjet qana emes, Ulttyq qordan alynatyn transfertter de aǵymdaǵy qajettilikterge jumsalýda. Memlekettik institýttarǵa degen senim tómendedi. Oǵan qoǵamnyń bilik monopoliiasynan sharshaýyna da áser etti. Eldiń áleýmettik-ekonomikalyq, sondai-aq saiasi júielerine túbegeili ózgerister qajet. Bul ózgeristerdiń ornaýy sózsiz, tek bastysy olardy sanaly túrde júzege asyrý. «Aq jol» demokratiialyq partiiasy osyndai ózgerister baǵdarlamasyn usynady, – dep atap ótti Perýashev.
(Material aqysy «Aq jol» partiiasynyń sailaý qory qarjysy esebinen tólendi)
