2025 jyldyń 10 qazanynda elordada «Innovatsiialar men tehnologiialar: Astana azamattyq sektorynyń bolashaǵy» taqyrybynda XII Azamattyq forýmy ótti. Is-sharaǵa azamattyq qoǵam institýttarynyń ókilderi, memlekettik organdar, qoǵam belsindileri men sarapshylar qatysty, dep habarlaidy Dalanews.kz.
Forým azamattyq sektordyń damýyna serpin beretin mańyzdy alań boldy. Qatysýshylar zamanaýi tehnologiialyq sheshimder men innovatsiialyq tásilderdi talqylap, azamattyq bastamalardyń tiimdiligin arttyrý joldaryn izdestirdi.
Forým aiasynda:
- tabysty jobalar tanystyrylyp,
- tájiribe almasýǵa baǵyttalǵan paneldik sessiialar ótip,
- qatysýshylardyń kásibi biliktiligin arttyrýǵa arnalǵan talqylaýlar uiymdastyryldy,
- sonymen qatar ártúrli uiymdar men bastamalar óz jobalaryn kórmede usynǵan edi.
Bul forým azamattyq sektor ókilderiniń ózara bailanysyn nyǵaityp, jańa seriktestikter qurýǵa múmkindik berdi. Innovatsiialyq sheshimder men tsifrlyq quraldardy tiimdi paidalaný arqyly Astananyń azamattyq qoǵamynyń áleýetin arttyrý - forýmnyń basty maqsaty edi.
«Bul Azamattyq forým Qazaqstan boiynsha ár óńirinde ótken forýmnyń sońǵy forýmy. Sebebi Astana qalasynda ótkizilip, aiaqtalyp, odan keiin Respýblikalyq Ortalyq forýmǵa kóshetin bolamyz. Biylǵy jyl Qazaqstan Azamattyq Aliansynyń úlken mereili kúni. Sondyqtan úlken mańyzy bar forým. Qazaqstannyń ár óńirinde ótken forýmnyń óz erekshelikteri boldy. Azamattyq sektordyń úkimettik emes uiymdarynyń, belsendi azamattarynyń, túrli qorlar, qoǵamdyq uiymdardyń jumysyn jyl boiǵy qorytyndylaý esebi . Áleýmettik jobalaryn kórsetý, qandai jetistikke jetkenin aiqyndaý. Odan keiin ár óńirde erekshelikterine sáikes ár forýmnyń qorytyndysy shyǵarylady. Sondyqtan munyn bári Respýblikalyq forýmda aitylatyn bolady. Sebebi ár forýmnyń qorytyndysy belgili bir usynystardy bekitý jáne ony respýblikalyq forýmǵa joldaý. Búgin bizde zaman talabyna sai , Prezidenttiń joldaýyna sai jasandy intellektke bailanysty, azamattyq sektorlyq kúsheitý, jastardyń jobalaryn qoldaý, iske asyrý, volonterlyq eriktilerdiń jumysyna kóńil bólý sekildi baǵyttar bar»,- dep atap ótti Astana qalasy Azamattyq bastamalar ortalyǵynyń jobalar jetekshisi Qojahmetov Shyńǵyshan Shopanuly.
Spiker retinde qatysqan QR Mádeniet jáne aqparat vitse-ministri Qurmanova Aizada Amangeldiqyzy: Elimizde EUU- nyń áleýmettik jobalaryna bólinetin qarjy kólemi sońǵy 5 jylda eki ese ósti.
Búginde elimizde 18 myńǵa jýyq belsendi úkimettik emes uiym (EUU) tirkelgen. Olar memlekettik organdarmen ártúrli dialogtyq alańdar men birlesken jobalar arqyly tyǵyz bailanys ornatyp, qoǵamnyń ózekti máselelerin sheshýge belsene atsalysýda. Bul týraly Aizada hanym málimdedi.
Onyń aitýynsha, qazirgi tańda myńǵa jýyq EUU áleýmettik jobalardy basqarý tetikteri arqyly júzege asyryp otyr. Bul azamattyq sektordyń áleýeti artyp kele jatqanyn kórsetedi.
«Sońǵy bes jyl ishinde elimizde úkimettik emes uiymdardyń jobalaryn qarjylandyrý kólemi eki esege artty. Bul – azamattyq qoǵam men memleket arasyndaǵy seriktestiktiń nyǵaiǵanynyń aiqyn kórinisi. Astana qalasy da bul úderiste aldyńǵy qatarda. Qala biýdjetiniń 10 %- y áleýmettik máselelerdi sheshýge baǵyttalǵan»,- dedi ministr.
Degenmen, vitse-ministr jobalardyń sany ǵana emes, olardyń sapasy men tiimdiligi de basty nazarda bolýy tiis ekenin erekshe atap ótti.
«Biz tek kórsetkishterge qarap qana qoimai, olardyń qoǵamǵa naqty paidasyn baǵalaýymyz kerek. Jobalardyń áleýmettik áseri, olardyń sheship jatqan naqty problemalary men qoǵamǵa ákelgen oń ózgeristeri basty nazarda bolýy qajet»,- dep tolyqtyrdy ol.
Azamattyq qoǵamnyń bul belsendiligi memlekettik saiasatty jetildirýge, áleýmettik máselelerdi sheshýge jáne el damýyna azamattyq bastamalar arqyly úles qosýǵa úlken múmkindik beredi.
«Elimizdiń 19 óńirinde forým ótti. Elimizdegi úkimettik emes uiymdarynyń 15%- paiyzdan astamy elordada. Jasandy intellekt dáýirindegi Qazaqstan atty joldaýynda úsh jyl ishinde tolyqqandy tsifrly el bolý týraly naqty baǵyt aiqyndalǵan. Elimizdiń barlyq salalarynda tsifrlyq sheshimderdi engizý tapsyrma qoiyldy. Tsifrlyq dáýir azamattyq qoǵamǵa jańa múmkindikter ashyp otyr»,- dep atap ótti ol.
Sonymen qatar, forýmda «Esbol Qory» qorynyń tóraǵasy Aqtaev Jandostyń «Negativti qubylastyrdyń aldyn alýǵa azamattyq qatysýdyń tsifrlyq quraldary» taqyrybyndaǵy baiandamasy, «Teń múmkindikter álemi» qorynyń direktory Úljekova N.T.–nyń «Qoldaý kórsetýdiń jergilikti bastamalaryn damytý» taqyrybyndaǵy baiandamasy, Yandex Kazakhstan kompaniiasynyń GR direktory Muqatov M.J. –nyń «Tsifrlyq qoljetimdilik: azamattyq qoǵamǵa kómektesetin tehnologiialar» taqyrybyndaǵy baiandamasy jáne t.b. qyzyqty ár túrli sektor ókilderiniń talqylaý diskýssiia boldy.
