Azamat Qaldybekov Almatynyń Bostandyq aýdanynyń ákimi bolyp taǵaiyndaldy, dep habarlaidy Dalanews.kz.
Almaty ákimi Darhan Satybaldynyń ókimimen, Prezident ákimshiliginiń jáne qalalyq máslihattyń kelisimimen Bostandyq aýdanynyń ákimi bolyp Azamat Qaldybekov taǵaiyndaldy.
Azamat Qaldybekov 1984 jyly 11 qazanda týǵan. Ál-Farabi atyndaǵy Qazaq ulttyq ýniversitetin "Halyqaralyq quqyq" mamandyǵy boiynsha támamdaǵan. "Bolashaq" baǵdarlamasy boiynsha Diýk ýniversitetinde (AQSh, Soltústik Karolina) quqyq magistri dárejesin alǵan. Qazaq ulttyq agrarlyq zertteý ýniversitetinde filosofiia doktory (PhD) ǵylymi dárejesin qorǵaǵan.
- Eńbek jolyn 2007 jyly Almaty qalasy Bostandyq aýdanynyń №2 aýdandyq sotynda jetekshi maman qyzmetinen bastaǵan.
- Ár jyldary QR Ulttyq banki, "Samuryq-Qazyna" AQ, "Azamattarǵa arnalǵan úkimet" memlekettik korporatsiiasy" KEAQ qurylymdarynda jumys istedi.
- 2018 jyly Almaty qalasy ákimi apparatynyń bas inspektory bolyp jumys istedi. 2018 jylǵy shildeden 2019 jylǵy naýryzǵa deiin Almaty qalasy Jetisý aýdany ákiminiń apparatynyń basshysy boldy.
- 2019-2020 jyldary Almaty qalasy Jer qatynastary basqarmasy basshysynyń orynbasary jáne Almaty qalasy Jasyl ekonomika basqarmasy basshysynyń orynbasary laýazymdaryn atqardy.
- 2020-2024 jyldary Almaty qalasy Alataý aýdanynyń ákimi bolyp jumys istedi.
- 2024 jyldan osy ýaqytqa deiin Almaty qalasy ákiminiń orynbasary qyzmetin atqardy.
Aita keteiik, birneshe kún buryn Dalanews.kz "qyzmetinen bosatylǵan Azamat Qaldybekov Bostandyq aýdanynyń ákimi bolatynyn" jazǵan bolatyn. Endi derekkóz aqparaty rastalyp otyr. Bul oryn biraz ýaqyt boiy bos turǵan edi.
