Aimaqtaǵy aǵaiyn meditsinalyq kvotadan beihabar
Óskemende ótken ShQO Qoǵamdyq keńestiń densaýlyq saqtaý jónindegi saraptama jumysy tobynyń ókilderi qatysqan kezekti otyrys barysynda kvota berý jáne naýqastardy múgedettik topqa shyǵarý máselesi kóterildi. Qoǵamdyq keńes músheleriniń aitýynsha, aimaqtaǵy memlekettik densaýlyq saqtaý uiymdarynyń mamandary jergilikti turǵyndarǵa kvota berý jáne múgedektik toptaryn tirkeý júiesi jaily túsindirý jumystaryn durys júrgizbegen. Nátijesinde memleket tarapynan jasalyp otyrǵan kómek-qoldaý jaily turǵyndar tolyqqandy aqparattanbaǵan.
– Aqparattandyrý, qulaǵdar etýdiń eń qarapaiym, shyǵynsyz joly bar. Mysaly, árbir turǵyndy jeke otyrǵyzyp qoiyp, túsindirmei aq, aýrýhana, emhanalardyń ishine aqparattyq stend qoiýǵa bolady. Em-dom alýshy jazylyp turǵan aqparatty oqyp, qajetti maǵlumat alar edi. Al bizde mundai jumystar jasalmaǵan. Demek, bul jaýapty sharýaǵa atústi qaraý degen sóz, – dep otyr Oblystyq máslihattyń depýtaty Oleg Chernyshov.
Jiynǵa qatysýshylar atalǵan máseleni sheshý aqparattandyrý jumystaryn nátijeli júrgizý úshin Qoǵamdyq keńes músheleri men memlekettik organdar birlese otyryp atqarǵan jón deidi. Bul sharýaǵa qoǵamnyń áljýaz toptarymen jumys jasaýda tájiribesi bar úkimettik emes uiymdardy da tartqan jón. Sonymen qatar, qoǵamdyq belsendiler áleýmet úshin mańyzy bar júieni barynsha ashyq júrgizýge shaqyrdy.
