Búgin oblys ákimi Nurlybek Nálibaev, QR Parlamenti Senatynyń depýtaty Naýryzbai Baiqadamov, oblys prokýrory Rizabek Ojarov pen oblystyq máslihattyń tóraǵasy Murat Tleýmbetov, «Petro Qazaqstan Qumkól Resorsiz» AQ vitse-prezidenti Serik Qojaniiazov Aral aýdandyq aýrýhanasyna japsarlas salynǵan 51 tósektik ǵimaratty kórip, jumysymen tanysty.
Ǵimarat qurylysyn «Ult saýlyǵyn nyǵaitý» ulttyq bastamasy aiasynda qaitarylǵan aktivter esebinen bólingen 2,3 mlrd teńge qarjyǵa «Iman» seriktestigi saldy. Jańa nysanda 17 tósektik neiro-insýlt jáne 34 tósektik kardiologiia bólimsheleri jumys isteidi.
Aldaǵy ýaqytta ortalyqty zamanaýi meditsinalyq qural-jabdyqtarmen, atap aitqanda,magnittik-rezonanstyq tomografiia jáne angiograf qondyrǵylarymen jabdyqtaý josparlanǵan. Bul bólimsheler aýdan turǵyndarynyń Aqtóbe jáne Qyzylorda qalalaryna barmai-aq, jergilikti jerde joǵary deńgeili meditsinalyq tekserýden ótýine, em alýyna múmkindik beredi.
Aita keteiik, Aral aýdanyndaǵyinfraqurylymdyq jobalarǵa jáne áleýmettik nysandar salýǵa biýdjetten 38 mlrd 740 mln teńge qarjy bólindi. «Keleshek mektebi», «Rýhaniiat ortalyǵy», «Qamqorlyq» ońaltý ortalyǵy, 150 páterlik 75 turǵyn úi, temirjol ústinen ótetin kópir paidalanýǵa berildi.
Sekseýil kenti tabiǵi gaz jelisine qosylyp, munda da 300 oryndyq «Keleshek mektebi» men 40 tósektik aýrýhana iske qosyldy. Toqabai aýylynda jańa dárigerlik ambýlatoriia, demeýshilerdiń qoldaýymen apatty jaǵdaidaǵy mekteptiń ornyna 500 mln teńgegejańa bilim oshaǵy salyndy. Jaqynda eldi meken taza aýyz sýmen qamtyldy.
Aqshataý aýylynda 60 oryndyq jańa mektepshákirtterin qabyldady. Aqbasty, Erimbetjaǵa jáne Tastúbek aýyldaryna ortalyqtandyrylǵan aýyz sý jelisi tartyldy. Al Abai aýyly turǵyndaryn aýyz sýmen qamtamasyz etý jumystary jaqyn kúnderi tolyq aiaqtalady.
Shijaǵa eldi mekenine de tabiǵi gaz keldi,Qamystybas aýylynda 6 mlrd 300 mln teńge qarjyǵa avtomattandyrylǵan gaz taratý stansasy iske qosyldy. Atalǵan stansa arqyly Aral aýdanyna qarasty 18 eldi mekendegi 15 myńǵa jýyq turǵyndy kógildir otynmen qamtýǵa múmkindik bar.
Jyl basynda Mergensai aýylynda qurylysyna 2 mlrd 333 mln teńge qarjy bólingen 150 oryndyq jańa mektep paidalanýǵa berildi. Budan bólek, «Qazaqstan Temir joly» ulttyq kompaniiasynyń qoldaýymen aýdan aýmaǵyndaǵy temirjol vokzaldaryna kúrdeli jóndeý jumystary júrgizilýde.
