Stýdentterdiń stipendiiasy biýdjetten bólinetin qosymsha qarajat esebinen kóteriledi, dedi brifingte Bilim jáne ǵylym ministri Ashat Aimaǵambetov, dep habarlaidy Dalanews.kz.
- Respýblikalyq biýdjetten qosymsha qarajat bólinedi. Esep-qisaptary bar, - dedi Aimaǵambetov.
Onyń sózinshe, bakalavriat, magistratýra, doktorantýrada oqityn stýdentterdiń stipendiiasy 25%-ǵa kóteriledi.
- Buǵan eshqandai kedergi joq. Prezidenttiń bul tapsyrmasy ýaqytymen oryndalady. Tek JOO stýdentteri úshin ǵana jylyna shamamen 13 mlrd teńge. Buǵan kolledjderde oqityn stýdentterdi qossaq, bul taǵy shamamen 5-6 mlrd teńge. Bul óte úlken soma, biraq men muny mańyzdy sheshim dep sanaimyn, - dep qosty ministr.
Ministr stýdenterdiń stipendiiasy 2016 jyldan beri kóterilmegenin, bul jańalyqty stýdentter kópten kútip kelgenin aita ketti.
- Bul jerde stipendiianyń bárine birdei 25%-ǵa kóteriletinin aitý kerek. Óitkeni bizde oqý úlgerimine, múgedektigi nemese asyraýshydan aiyrylǵanyna bailanysty joǵary stipendiia alatyn tulǵalar da bar. Túrli sanattar bar, bul jerde barlyq sanattar úshin stipendiia 25%-ǵa kóteriledi, - dep túsindirdi BǴM basshysy.
