Almatyda pilottyq rejimde "Sergek" kameralarynyń jańa fýnktsiiasy iske qosyldy. Qalalyq politsiia departamenti baspasóz qyzmeti onyń Sátbaev kóshesi boiynda Dostyq dańǵylynan Ýálihanov kóshesine deiingi aralyqtyń ońtústik jáne soltústik jaǵynda synalatynyn naqtylaidy, dep jazady Dalanews.kz.
"Osy territoriiada beinebaqylaý júieleri kólik quraldaryn turaqqa qoiý erejesin buzýshylyqty, onyń ishinde ekinshi qatarǵa qoiý jaǵdailaryn anyqtaidy", - deidi politsiiadan.
Almaty qalalyq ákimshilik politsiiasy QR Jol qozǵalysy erejeleriniń 85-tarmaǵyna sáikes, kólik quralyn joldyń júris bóliginiń shetki qataryna paralell qoiýǵa ruqsat etiletinin eske salady.
QR JQE-niń 87-tarmaǵy 8-bóligi kólik quralyna basqa kólik quraldarynyń qozǵalysyn (kirýine nemese shyǵýyna kedergi keltiretin) shekteitin nemese basqa kólik quraldarynyń qozǵalysyna kedergi keltiretin (keptelis týdyratyn) oryndarda toqtaýyna tyiym salady.
Sondai-aq, QR ÁQBK-niń 597-babynyń 3-tarmaǵyna sáikes, "basqa kólik quraldarynyń qozǵalysyna kedergi jasaýǵa ákelip soqqan kólik quraldaryn jol bóliginde qaldyrý nemese turaqqa qoiý qaǵidalaryn buzý 10 AEK (39 myń 320 teńge, jeti kún ishinde tólegen kezde – 5 AEK – 19 myń 660 teńge) mólsherinde aiyppuldy qarastyrady.
Aita ketsek, jýyrda elordadaǵy 2017 jyly iske qosylǵan "Sergek" jobasynyń qojaiyny aýysatyny belgili boldy. Atalmysh kameralardy ázirleýshi qazaqstandyq "Kórkem-Telekom" kompaniiasymen jasalǵan kelisimsharttyń merzimi 2025 jyldyń 13 naýryzynda aiaqtalady. Ákimdik kelisimdi uzartpaý týraly sheshim qabyldady. Odan keiin júieni basqarý G42 holdingine (BAÁ) kiretin Presight halyqaralyq kompaniiasyna beriletini habarlandy. Joba 2025–2030 jyldar aralyǵyna josparlanǵan jáne oǵan 53 mlrd teńge qarastyrylǵan. Jobanyń 100% shyǵynyn jeke kompaniia kóteredi, al 60%-yn qazaqstandyq kásiporyndar qamtamasyz etedi. Presignt tólemderdi tek joba iske qosylǵannan keiin ǵana alady.
Qazirgi bar kameralar bir ai ishinde jańa serikteske beriledi.
