Astana prokýratýrasy sybaılas jemqorlyq boıynsha sottalǵan azamattyń aıyppul jazasy bas bostandyǵynan aıyrý jazasymen almastyrylǵanyn málimdedi, dep habarlaıdy Dalanews.kz.

“Sot sheshimimen aıyppuldyń ornyna jeti jylǵa bas bostandyǵynan aıyrý jazasy taǵaıyndaldy. Jalǵan túbirtekterdi usyný faktisi boıynsha tekserý júrip jatyr”, – dep málimdedi prokýratýra.

Aldyn ala málimet boıynsha, qala turǵyny birneshe ret memlekettik qyzmetkerlerge para bergeni úshin 240,3 mıllıon teńge kóleminde aıyppul tóleý úshin sottalǵan.

Sottalýshy aıyppuldyń 196 mıllıon teńgesi tólengenin rastaıtyn túbirtekterdiń kóshirmesin sot oryndaýshyǵa usynǵan. Alaıda Nura aýdany prokýratýrasynyń tekserýi bul aqshanyń memleket qazynasyna túspegenin jáne túbirtekterdiń jalǵan ekenin anyqtady.

Prokýratýranyń nusqaýymen sot oryndaýshy aıyppuldy bas bostandyǵynan aıyrý jazasyna aýystyrý týraly sotqa ótinish berdi. Bul ótinish qanaǵattandyryldy.