Búgin Astana Hub tehnoparkinde úkimet otyrysy ótip, onda sıfrlyq tehnologıalar talqylanýda. Jıynda kúlkili jaǵdaı boldy, - dep habarlaıdy Dalanews.kz Orda.kz-ke siltep. 

Sıfrlandyrý mınıstri Jaslan Madıev eGov platformasyndaǵy jasandy ıntellekttiń múmkindikterin kórsetýge tyrysty. Ol jasandy ıntellektige: «Neke qıýdy qalaı tirkeýge bolady?» degen suraq qoıdy. Júıe silteme usyndy. Biraq qıyndyq týyp, mınıstr silteme arqyly óte almaǵan. 

«Bul meniń nekemniń bar bolýyna baılanysty»,– dep túsindirdi Sıfrlandyrý mınıstrliginiń basshysy.

Premer-mınıstr Oljas Bektenov bul sátte qaljyńdap úlgergen:

«Siz silteme arqyly ótkizip jiberedi dep úmittendińiz be?», - dedi Bektenov. 

Madıev óz kezeginde maqtanyshpen: «Júıeni aldaý múmkin emes», – dep jaýap berdi.

«Áıelińizben aýyr áńgime bolaıyn dep tur ǵoı onda»,– dep ázildedi Bektenov.

Aıta ketý kerek, bul úkimettiń alǵashqy kóshpeli otyrysy. Jýrnalıser prosesti onlaın rejımde baqylap, translásıa sapasynyń nasharlyǵyna shaǵymdandy. Efır úsh ret úzildi, bul rette otyrys eldiń basty tehnologıalyq ortalyǵy – Astana Hub-ta ótti.