Indira Bobro-Badambaeva – sýretshi, Qazaqstan sýretshiler odaǵynyń múshesi, «D'Almatintsy» romanynyń birlesken avtory, keskindeme óneri boiynsha magistr jáne oqytýshy.
Kórmeni alǵashqy bolyp QR Memlekettik ortalyq mýzei direktorynyń orynbasary Beibitqali Smaǵululy Qaqabaev barsha jinalǵan qaýymdy ashylǵan kórmemen quttyqtap, izgi-tilekterin bildirdi.
Sýretshi birneshe ret Almaty qalasynda, onyń ishinde QR Memlekettik ortalyq mýzeiinde óziniń jeke kórmelerin ótkizip keledi. Sońǵy eki jyl ishinde Indira óziniń stýdiiasyn ashyp, beineleý óneri boiynsha jeke avtorlyq baǵdarlamasy aiasynda oqýshylardy kórkemdik sheberlikke tárbielep, óziniń tájiribesimen bólisti. Onyń oqytý baǵdarlamasy erekshe. «Nege?» deseńiz, praktikalyq sabaqtar óner jaily dáristermen utymdy úilesimin taýyp, oqýshylardyń óner áleminiń tuńǵiyǵyna enýine áser etedi. Oqytý barysynda shákirtterdiń keskindeme sheberlikterin shyńdaýǵa baǵyttalǵan plenerlerge shyǵý, adam anatomiiasymen tanystyryp, boiaý syryn ashý siiaqty máseleleri boiynsha dáris beriledi. Qazirgi ýaqytta stýdiia sheberhanasynda negizinen áielder qaýymy dáris alyp júr. Stýdiia shákirtteri az ýaqytta tájiribeli kásibi sýretshi deńgeiinde bilim alady.
«Áiel jany neni qalaidy?» atty kórmede Indira Bobro-Badambaevanyń ǵarysh balerinalary seriiasy, gúlder natiýrmorttary, ǵajaiyp áielder portretteri syndy týyndylary qoiylǵan. Sonymen qatar, onyń shákirtteri Irina Popova, Tamara Li, Nelli Kilivnik, Natalia Gýrina, Svetlana Troshina, Liýdmila Kan, Ásel Aitqojinalardyń qala, taý, teńiz jáne aýyl peizajdary, gúl natiýrmorttary jáne gollandiialyq stildegi natiýrmorttar, janrlyq kompozitsiialar, tanymal sýretshilerdiń kóshirmeleri, maily keskindeme jáne akvarel tehnikasynda oryndalǵan 70-ten astam jumystary kelýshiler nazaryna usynyldy.
Indira biregei talanty men qosa kásibi sheberligimen kórermenniń boiyn bilep alady. Indira Bobro-Badambaeva óziniń derbes kórmelerin ótkizip júr. Sýretshiniń kartinalary Almatyda, elimizdiń jeke kollektsiialarynda jáne alys shet elderdegi jeke jinaqtarǵa engen. Osy jyly sýretshi birneshe perfomanstar men sheberlik sabaqtardy sátti ótkizdi.
Kórme 2017 jyldyń 15 maýsymyna deiin jalǵasady.
Nazira Jeksenbekova,
Gúlmaira Ahatova,
QR Memlekettik ortalyq mýzeiiniń qyzmetkerleri
