ينديرا بوبرو-بادامبايەۆا – سۋرەتشى، قازاقستان سۋرەتشىلەر وداعىنىڭ مۇشەسى، «د'الماتينسى» رومانىنىڭ بىرلەسكەن اۆتورى، كەسكىندەمە ونەرى بويىنشا ماگيستر جانە وقىتۋشى.
كورمەنى العاشقى بولىپ ق ر مەملەكەتتىك ورتالىق مۋزەي ديرەكتورىنىڭ ورىنباسارى بەيبىتقالي سماعۇل ۇلى قاقابايەۆ بارشا جينالعان قاۋىمدى اشىلعان كورمەمەن قۇتتىقتاپ، ىزگى-تىلەكتەرىن ءبىلدىردى.
سۋرەتشى بىرنەشە رەت الماتى قالاسىندا، ونىڭ ىشىندە ق ر مەملەكەتتىك ورتالىق مۋزەيىندە ءوزىنىڭ جەكە كورمەلەرىن وتكىزىپ كەلەدى. سوڭعى ەكى جىل ىشىندە ينديرا ءوزىنىڭ ستۋدياسىن اشىپ، بەينەلەۋ ونەرى بويىنشا جەكە اۆتورلىق باعدارلاماسى اياسىندا وقۋشىلاردى كوركەمدىك شەبەرلىككە تاربيەلەپ، ءوزىنىڭ تاجىريبەسىمەن ءبولىستى. ونىڭ وقىتۋ باعدارلاماسى ەرەكشە. «نەگە؟» دەسەڭىز، پراكتيكالىق ساباقتار ونەر جايلى دارىستەرمەن ۇتىمدى ۇيلەسىمىن تاۋىپ، وقۋشىلاردىڭ ونەر الەمىنىڭ تۇڭعيىعىنا ەنۋىنە اسەر ەتەدى. وقىتۋ بارىسىندا شاكىرتتەردىڭ كەسكىندەمە شەبەرلىكتەرىن شىڭداۋعا باعىتتالعان پلەنەرلەرگە شىعۋ، ادام اناتومياسىمەن تانىستىرىپ، بوياۋ سىرىن اشۋ سياقتى ماسەلەلەرى بويىنشا ءدارىس بەرىلەدى. قازىرگى ۋاقىتتا ستۋديا شەبەرحاناسىندا نەگىزىنەن ايەلدەر قاۋىمى ءدارىس الىپ ءجۇر. ستۋديا شاكىرتتەرى از ۋاقىتتا تاجىريبەلى كاسىبي سۋرەتشى دەڭگەيىندە ءبىلىم الادى.
«ايەل جانى نەنى قالايدى؟» اتتى كورمەدە ينديرا بوبرو-بادامبايەۆانىڭ عارىش بالەرينالارى سەرياسى، گۇلدەر ناتيۋرمورتتارى، عاجايىپ ايەلدەر پورترەتتەرى سىندى تۋىندىلارى قويىلعان. سونىمەن قاتار، ونىڭ شاكىرتتەرى يرينا پوپوۆا، تامارا لي، نەللي كيليۆنيك، ناتاليا گۋرينا، سۆەتلانا تروشينا، ليۋدميلا كان، اسەل ايتقوجينالاردىڭ قالا، تاۋ، تەڭىز جانە اۋىل پەيزاجدارى، گۇل ناتيۋرمورتتارى جانە گوللانديالىق ستيلدەگى ناتيۋرمورتتار، جانرلىق كومپوزيسيالار، تانىمال سۋرەتشىلەردىڭ كوشىرمەلەرى، مايلى كەسكىندەمە جانە اكۆارەل تەحنيكاسىندا ورىندالعان 70-تەن استام جۇمىستارى كەلۋشىلەر نازارىنا ۇسىنىلدى.
ينديرا بىرەگەي تالانتى مەن قوسا كاسىبي شەبەرلىگىمەن كورەرمەننىڭ بويىن بيلەپ الادى. ينديرا بوبرو-بادامبايەۆا ءوزىنىڭ دەربەس كورمەلەرىن وتكىزىپ ءجۇر. سۋرەتشىنىڭ كارتينالارى الماتىدا، ەلىمىزدىڭ جەكە كوللەكسيالارىندا جانە الىس شەت ەلدەردەگى جەكە جيناقتارعا ەنگەن. وسى جىلى سۋرەتشى بىرنەشە پەرفومانستار مەن شەبەرلىك ساباقتاردى ءساتتى وتكىزدى.
كورمە 2017 جىلدىڭ 15 ماۋسىمىنا دەيىن جالعاسادى.
نازيرا جەكسەنبەكوۆا،
گۇلمايرا احاتوۆا،
ق ر مەملەكەتتىك ورتالىق مۋزەيىنىڭ قىزمەتكەرلەرى
