Erlan Jetibaev SIM Halyqaralyq aqparat komitetiniń tóraǵasy – resmi ókili bolyp taǵaiyndaldy, dep habarlaidy Dalanews.kz.
Ol 1984 jyly 15 jeltoqsanda Qaraǵandy qalasynda dúniege kelgen. 2006 jyly L.N. Gýmiliov atyndaǵy Eýraziia ulttyq ýniversitetin bitirgen. Eńbek jolyn 2006 jyly Qazaqstan Respýblikasy Syrtqy ister ministrliginiń Konsýldyq qyzmet departamentinde maman retinde bastaǵan.
- 2009 jyly QR Qarjy ministrliginiń Memlekettik aktivterdi basqarý metodologiiasy, ishki qarjylyq baqylaý jáne biýdjettik nesielendirý departamentiniń sarapshysy bolyp jumys istedi.
- 2009-2011 jyldary QR SIM Ákimshilik jáne baqylaý departamentinde úshinshi hatshy qyzmetin atqardy.
- 2011-2017 jyldary Qazaqstannyń Tailandtaǵy elshiliginde ekinshi, birinshi hatshy laýazymdarynda eńbek etti.
- 2017 jyly QR SIM EKSPO-2017 hatshylyǵynyń birinshi hatshysy, keiin QR SIM Aziia jáne Afrika departamentiniń birinshi hatshysy qyzmetinde jumys istedi.
- 2018-2020 jyldary "Halyqaralyq jasyl tehnologiialar jáne investitsiialyq jobalar ortalyǵy" KeAQ Qamtamasyz etý qyzmeti hatshylyǵynyń basshysy, Halyqaralyq yntymaqtastyq jáne klimattyq investitsiialar departamentiniń direktory qyzmetterin atqardy.
- 2020-2023 jyldary QR SIM Baspasóz qyzmetinde keńesshi jáne basshy, 2023-2025 jyldar aralyǵynda QR SIM Kommýnikatsiialar departamenti direktorynyń orynbasary boldy.
- QR SIM Halyqaralyq aqparat komitetiniń tóraǵasy – resmi ókili bolyp taǵaiyndalǵanǵa deiin 2025 jylǵy naýryzdan bastap QR SIM Kommýnikatsiialar departamentiniń direktory qyzmetin atqardy.
Ol aǵylshyn jáne túrik tilderin meńgergen.
