Memlekettik baǵdarlama aiasynda boi kótergen otbasylyq jataqhananyń qurylysy ótken jyly bastalǵan edi. Araǵa salǵan az ýaqytta qalanyń jas ustazdary, dárigerleri men mádeniet jáne sport salasynyń qyzmetkerleri jeke baspanalaryna qol jetkizdi. Aita ketý kerek, jaldamaly turǵyn úi bes jylǵa deiin beriledi. Al qurylysqa jumsalǵan 300 mln teńge jergilikti qazynadan bólingen.
– Jańa páter – baqytty kúnderdiń bastaýy. Bizdiń tamasha elimiz, keń-baitaq jerimiz bar. Osy jyldar qazaq eline, qazaqstandyqtarǵa altyn zaman bolatyn kez. Tarihqa altyn árippen jazylatyn bizdiń uly Prezidentimiz, tamasha halqymyz bar. Altyn zaman týdy, osyny bilýimiz kerek, qurmetti jerlester! Sizderdiń búgingi qýanyshpen shyn júrekten quttyqtaimyn. Birge baqytty bolaiyq! – dedi oblys ákimi Danial Ahmetov.
Sondai-aq bul kúni jergilikti áleýmettik kómek kórsetý ortalyǵyna oblys ákimi ýáde etken invakóliktiń kilti tabys etildi. Ol úshin jergilikti biýdjetten 10 million teńge bólingen.
Danial Ahmetov Aiagóz aýdanyna jasaǵan jumys sapary barysynda «Nurly jol» baǵdarlamasy boiynsha eki mekteptiń qurylysymen tanysty. Atalǵan baǵdarlama boiynsha aýdanda biyl bir mektep qoldanysqa berilse, ekinshisi keler jyly oqýshylarǵa esigin aiqara ashpaq. Aýdan ortalyǵynda ornalasqan 600 oryndyqqa shaqtalǵan mektep-litseidiń qurylysy byltyr jeltoqsanda bastalǵan. Quny 1 milliard teńgeden asatyn nysandy merdigerler merziminen buryn ótkizgeli otyr. Jańa mektep ashylsa, qaladaǵy úsh aýsymda oqytý máselesi sheshiledi. Búginde Aiagózde bilim berý mekemelerinde 1800 balaǵa oryn tapshy. Atalǵan kórsetkishti eselemes úshin kóktemde 500 oryndyq aralas bastaýysh mektebi ashylǵan edi.
– Aiagóz – erekshe aýdan. Mektep muǵalimderi tamasha bilim kórsetkishterin kórsetip otyr. Osy jyly elimizde 8 bala UBT-dan 138 ball alsa, onyń ekeýi Aiagózdiki. Basqa aýdan-qalalar úlgi alýy kerek. Aldaǵy tańda eki mektep iske qosylsa, aýdandaǵy ózekti másele – úsh aýysym jaǵdaiyn birjaqty etemiz. Sondai-aq «Týǵan mektep» jobasy bastalǵanyn atap ótkim keledi. Onyń aiasynda óńirdegi barlyq mektepterdi 3 millard teńgege zaman talabyna sai qural-jabdyqtarmen qamtýdy josparlap otyrmyz, – dedi ShQO ákimi Danial Ahmetov.
Keler jyly Ońtústik áskeriler qalashyǵyndaǵy 600 oryndyq mektep iske qosylmaq, sonda Aiagózde úsh aýysymda oqytý tolyq joiylady.
