Aıagóz aýdanynda jergilikti mańyzy bar «Aıagóz-Bozaı» avtojolynyń 20 shaqyrymynda Aıagóz ózenindegi sý deńgeıiniń kóterilýine baılanysty kópirdiń jol tósemi shaıylyp ketti.
Qazirgi ýaqytta kópir arqyly kólik qatynasy toqtatylǵan. Sonymen qatar, basqa aınalma kólik joldary arqyly eldi-mekenmen baılanysty qalpyna keltirý jumystary júrgizilýde.
Polısıa departamentiniń qyzmetkerleri shekteý belgilerin qoıyp, kezekshilik uıymdastyrdy.
Halyqty Aıagóz ózeni arqyly ótkizýdi júzege asyrý úshin TJD qyzmetkerleri jiberildi, olar qajet bolǵan jaǵdaıda júzý quraldarynyń kómegimen ótkeldik jumystardy júzege asyratyn bolady.
Qalpyna keltirý jumystaryn júrgizý maqsatynda Aıagóz aýdanynyń ákimdigi jergilikti aýqymdaǵy TJ-dy jarıalady.
