Ahmetov Shyǵysty tsifrlandyrý qalai júrgizilip jatqanyn aitty
Osy maqsatta óńirde arnaiy sitýatsiialyq ortalyq ashylyp, synaqtan ótkizý úshin paidalanýǵa berilipti.
Bul ortalyq Nur-Sultan, Almaty jáne Qyzylorda qalalaryndaǵy sandyq júiege qaraǵanda áldeqaida ozyq. Ahmetovtyń aitýynsha osy ortalyqta - joldaǵy, memlekettik mekemelerdegi qaýipsizdikti qamtityn, shuǵyl jáne kommýnaldyq qyzmetterdi usynatyn barlyq aqparat bir júiege birikken.
Naqtylap aitsaq onyń qurylymyna sitýatsiialyq jáne de investitsiialyq ortalyq, jedel aqparat ortalyǵy («Sergek», qoǵamdyq tártip, beinebaqylaý), tótenshe jaǵdailar men kommýnaldyq qyzmet, «109», EDDS-112 biryńǵai kezekshilik-dispetcherlik qyzmeti kiredi.
Biryńǵai kezekshilik dispetcherlik qyzmet iske qosylǵaly 112 men 109 qyzmeti 23 myńnan asa qońyraý qabyldap, 7 myń quqyqbuzýshylyqty anyqtaǵan.
«Sonymen birge, óńirde qońyraýdy qabyldaý jáne óńdeý boiynsha barsha qyzmetdi biriktiretin biryńǵai alań jumys isteidi. Tamyz aiynan beri turǵyndardyń operatordyń jaýabyna kóńili toldy ma, joq pa jáne memlekettik organdar qyzmetiniń tiimdiligin arttyrý maqsatynda ótinish berýshilerdiń SMS-habarlamasy arqyly keri bailanys ornatý júiesin engizdik», - dedi ShQO ákimi.
