Mereke qarsańynda Shyǵys Qazaqstanda áleýmettik nysandar saltanatty túrde ashyldy. Sonymen qatar, 150-den astam otbasy jańa úilerde qonys toiyn toilady.
Ulttyq aýqymdaǵy mereke memlekettiń qalyptasýyna qýatty serpin bergen tarihi oqiǵany eske salady. Sebebi, dál osy kúni 29 jyl buryn qazaqstandyqtar alǵash ret búkilhalyqtyq sailaý nátijesinde el Prezidentin sailaǵanyn jaqsy bilemiz.
Kóregen ári dana saiasatynyń arqasynda Nursultan Nazarbaev memleketti ekonomikalyq órkendeýge alyp keldi, ulttyq kelisimdi, tarihi jáne mádeni dástúrlerdi saqtap qaldy.
Jyl saiyn Tuńǵysh Prezident kúni qarsańynda elimizde saltanatty is-sharalar ótkizilip, áleýmettik jáne mádeni obektiler paidalanýǵa beriledi.
Shyǵys Qazaqstanda ataýly kún qarsańynda oblys ákimi Danial Ahmetov oblys ortalyǵynda kópbalaly otbasylarǵa, jetim balalarǵa, sondai-aq kezekte turǵandarǵa 30 jańa páterdiń kiltin tabys etti.
Kýrchatov qalasynda 14 kóp balaly ana jańa páter kiltine ie boldy, áleýmettik osal sanattaǵy taǵy 16 otbasy Besqaraǵai aýdanynda jańa úilerde turýǵa múmkindik aldy.
Zaisan aýdanynda 36 kópbalaly otbasy qonys toiyn toilaýda, olar úshin bir qabatty «Shyǵys» baǵdarlamasy aiasynda úiler salyndy.
Mereke qarsańynda Jarma aýdany Jańǵyztóbe kentiniń turǵyndary da qýanyshqa keneldi. Onda aýyl klýby men demalys saiabaǵy ashyldy. Al Tuńǵysh Prezident kúnine orai Kókpekti aýdanynyń turǵyndary úshin kópten kútken dene shynyqtyrý-saýyqtyrý kesheni ashyldy.
Búgin, mereke kúni, óńirde birneshe sport nysandary ashyldy.
Abai aýdanynda, Qaraýyl aýylynda hokkei korty iske qosyldy, onda balalar tek hokkei oinap qana qoimai, konki tebe alady. Sondai-aq, jaqyn arada paidalanýǵa berilgen sport mektebi jumys istei bastaidy.
Aiagóz aýdany Aqtoǵai kentinde dene shynyqtyrý-saýyqtyrý kesheni paidalanýǵa berildi. Jarma aýdanynyń Birlik aýylynda jańa sport alańy ashyldy. Ulan aýdany Mamai Batyr aýylynda jańa kópir paidalanýǵa berildi.
Katonqaraǵai aýdanynda 20 otbasy «Jumyspen qamtý jol kartasy» aiasynda, sondai-aq qaryz alýshylar esebinen salynǵan úilerdiń kiltterin aldy. Kishinaryn jáne Maiemer aýyldarynda aýyldyq klýbtar, al Úlken Naryn aýylynda Abai atyndaǵy skver ashyldy.
Jarma aýdanynda kezekte turǵan 50 otbasy merekege orai jańa páterlermen qamtamasyz etildi. Al Borodýliha aýdanynda 4 kópbalaly otbasy baspanaly boldy. Altai aýdanynda turatyn 6 otbasy «Qoljetimdi baspana» baǵdarlamasy aiasynda salynǵan jańa bir qabatty úilerge qonystandy.
Jalpy, biylǵy jyly koronavirýs pandemiiasyna qaramastan, Shyǵys Qazaqstanda mereke Nursultan Nazarbaevtyń el aldyndaǵy erekshe eńbegi men jarqyn isterin kórsete otyryp, atap ótildi.
