Tabiǵi apat saldarynan zardap shekkenderge kómek retinde oblystyq Paryz qorynan 50 mln teńge aýdaryldy. Bul týraly oblystyq ákimdikte ótken baspasóz maslihatynda aimaq basshysy Danial Ahmetov málimdedi.
Shyǵys Qazaqstanda aýa –raiynyń kúrt jylýy jáne tolassyz jaýǵan jaýyn-shashynnan 229 úidi sý basty.
Eń kóp zardap shekken óńir Aiagóz aýdany bolyp otyr.
«Eń qiyn jaǵdai Aiagózde bolǵan. Biz bul máseleni sheshe aldyq. Qaýipsiz jerge kóshirilgen turǵyndardyń kópshiligi óz úilerine oraldy. Qazir 73 adam mektep-internatta jatyr. Olarǵa jer-jerden gýmanitarlyq kómek kelýde. Aýdanda zardap shekkenderge kómek berý maqsatynda «Aiagóz-Bolashaq» qory jumys istep tur.
Búgin tańerteń sol qordyń esep shotyna ózimniń bir ailyq eńbekaqymdy aýdardym
» – dedi Danial Ahmetov.
Al, oblystyq «Paryz» qorynan 50 mln teńge jiberilgen. Aimaqtyń din ókilderi de alǵashqylardyń biri bolyp, jylý jinaýǵa kiriskenin aita ketý kerek. Oblystyq meshittiń uiytqy bolýymen «Shyǵys asary» aktsiiasy uiymdastyrylǵan. Aktsiia aiasynda oblystyń kez-kelgen turǵyny alǵashqy qajettilik zattary men azyq-túlikti meshitterde ashylǵan pýnkterge ótkize alady.
Sondai-aq, «Nur Otan» partiiasy men «Jas Otan» jastar qanaty gýmanitarlyq kómek qabyldaý pýnkterin ashqan. Al qoǵamdyq belsendiler men kásipodaq ókilderi respýblika kóleminde «Tasqyn-2018» aktsiiasyn qolǵa alyp, 10 tonnaǵa jýyq gýmanitarlyq kómek jinaǵan.
Aimaq basshysy, tabiǵat apaty saldarynan baspanasynan aiyrylǵan eshbir otbasy dalada qalmaitynyn aitty.
Derekkóz: Baq.kz
