تابيعي اپات سالدارىنان زارداپ شەككەندەرگە كومەك رەتىندە وبلىستىق پارىز قورىنان 50 ملن تەڭگە اۋدارىلدى. بۇل تۋرالى وبلىستىق اكىمدىكتە وتكەن باسپا ءسوز ماسليحاتىندا ايماق باسشىسى دانيال احمەتوۆ مالىمدەدى.
شىعىس قازاقستاندا اۋا –رايىنىڭ كۇرت جىلۋى جانە تولاسسىز جاۋعان جاۋىن-شاشىننان 229 ءۇيدى سۋ باستى.
ەڭ كوپ زارداپ شەككەن ءوڭىر اياگوز اۋدانى بولىپ وتىر.
«ەڭ قيىن جاعداي اياگوزدە بولعان. ءبىز بۇل ماسەلەنى شەشە الدىق. ءقاۋىپسىز جەرگە كوشىرىلگەن تۇرعىنداردىڭ كوپشىلىگى ءوز ۇيلەرىنە ورالدى. ءقازىر 73 ادام مەكتەپ-ينتەرناتتا جاتىر. ولارعا جەر-جەردەن گۋمانيتارلىق كومەك كەلۋدە. اۋداندا زارداپ شەككەندەرگە كومەك بەرۋ ماقساتىندا «اياگوز-بولاشاق» قورى جۇمىس ىستەپ تۇر.
بۇگىن تاڭەرتەڭ سول قوردىڭ ەسەپ شوتىنا ءوزىمنىڭ ءبىر ايلىق ەڭبەكاقىمدى اۋداردىم
» – دەدى دانيال احمەتوۆ.
ال، وبلىستىق «پارىز» قورىنان 50 ملن تەڭگە جىبەرىلگەن. ايماقتىڭ ءدىن وكىلدەرى دە العاشقىلاردىڭ ءبىرى بولىپ، جىلۋ جيناۋعا كىرىسكەنىن ايتا كەتۋ كەرەك. وبلىستىق مەشىتتىڭ ۇيىتقى بولۋىمەن «شىعىس اسارى» اكسياسى ۇيىمداستىرىلعان. اكسيا اياسىندا وبلىستىڭ كەز-كەلگەن تۇرعىنى العاشقى قاجەتتىلىك زاتتارى مەن ازىق-تۇلىكتى مەشىتتەردە اشىلعان پۋنكتەرگە وتكىزە الادى.
سونداي-اق، «نۇر وتان» پارتياسى مەن «جاس وتان» جاستار قاناتى گۋمانيتارلىق كومەك قابىلداۋ پۋنكتەرىن اشقان. ال قوعامدىق بەلسەندىلەر مەن كاسىپوداق وكىلدەرى رەسپۋبليكا كولەمىندە «تاسقىن-2018» اكسياسىن قولعا الىپ، 10 تونناعا جۋىق گۋمانيتارلىق كومەك جيناعان.
ايماق باسشىسى، تابيعات اپاتى سالدارىنان باسپاناسىنان ايىرىلعان ەشبىر وتباسى دالادا قالمايتىنىن ايتتى.
دەرەككوز: Baq.kz
