Aıta ketý kerek, jastarǵa baspana oblys ortalyǵyndaǵy jańa 19-yqsham aýdanynda boı kótergen bes qabatty turǵyn úıden berildi.
Tuńǵysh Prezıdent kúni qarsańynda qonys toıyn toılaǵan qala turǵyndarynyń qýanyshyna ortaqtastan aımaq basshysy ár shańyraqqa yrys pen yntymaq, molshylyq pen bereke tiledi.
– Jaqyn ýaqytta 600 páterli 4 turǵyn úı qurylysy aıaqtalady. Onyń ekeýi, ıaǵnı, 110 páter kópbalaly otbasylaryna, jetim balalar men ózge de sanattaǵy áleýmettik az qamtylǵan top ókilderine beriledi. Jalpy óńirde turǵyndardyń barlyq sanatyn sapaly ári qoljetimdi baspanamen qamtamasyz etý maqsatynda 443 myń sharshy metr turǵyn úı iske qosylady. 19 úı qoldanysqa berildi, – dep atap ótti Danıal Ahmetov.
Ýaqytsha Ana úıin panalap júrgen Sandýǵash Qasenovanyń ata-anasy erte ómirden ozǵan.
Dúkende satýshy bolyp jumys isteıtin jas ana qýanyshtan kózine jas alyp, qamqorlyǵyn aıamaǵan eline alǵysyn jetkizdi. Sonymen qatar baspanaly bolǵan ár páter ıesine turmystyq tehnıka satyp alýǵa arnaıy sertıfıkattar tabys etildi.
– Bizge baspana berip, qamqorlyq tanytyp jatqan memleketimizge, halqyma, oblys basshylyǵyga úlken alǵys bildiremin. Otbasymyzdyń taǵdyryna túsken qıyn kezeńde qoldaý kórsetip, qamqor boldy. Kóp rahmet! – deıdi Sandýǵash Qasenova.
Jalpy, Shyǵys Qazaqstanda kópbalaly az qamtylǵan otbasylardy qoldaý sharalarynyń keshendi baǵdarlamasy iske asyrylýda.
Aǵymdaǵy jyly kóp balaly otbasylar sanatynan kezekte turǵan 388 otbasy jeke turǵyn úımen qamtamasyz etildi.
