Ahmetovtyń aitýynsha, aldaǵy ýaqytta Semei qalasynda jedel meditsinalyq kómek aýrýhanasy JCI álemdik standartyna sáikestendiriledi. Ákim óńirde qarasty aýdandarda kardiologiialyq ortalyqtar ashylyp jatqanyn tilge tiek etti.
«Meditsina sapasy zaman kóshinen qalyspaýy qajet. Bul saladaǵy jańa tehnologiialar bizdiń elge ýaqytymen kelip, qoldanysqa kirikse utylmasymyz anyq. Óńirde meditsinaǵa barynsha kóńil bólýdemiz. Ásirese eldi-mekenderdegi meditsina salasynyń deńgeiin kóterý kerek.
Osy maqsatta elimizde birinshi bolyp eki aýdan ortalyǵynda - Aiagóz ben Altaida insýlt ortalyǵyn ashtyq. Aýdan turǵyndary jańa halyqaralyq standarttardyń ne ekenin kózimen kórdi. Tórt aidyń ishinde biz sol eldimekenderde kardiologiialyq ortalyqtardy ashamyz. Artynsha Aiagóz men Altaida shýntty operatsiialar jasalady», - dedi Shyǵys Qazaqstan oblysynyń ákimi.
Budan bólek, Shyǵysta Nur-Sultan men Almatyda ornalasqan jetekshi meditsinalyq ortalyqtardyń filialdaryn ashý qajettigin aityp ótti.
«Úzdik meditsinalyq ortalyqtardy eki-úsh qalanyń tóńireginde toptastyryp qoiǵan jón emes. Óitip meditsinany damyta almaimyz.
Biz Semei qalasyndaǵy aýrýhanada travmatologiia institýtynyń filialyn ashylady. Óskemende kardiologiialyq ortalyq salýdamyz. Az ýaqyttan keiin Semeide Neirohirýrgiia institýtynyń filialy ashylady», - dedi Ahmetov.
