ShQO ákimi Danial Ahmetov Alakól jaǵalaýyna baryp, týristik maýsymǵa daiyndyq barysymen tanysty dep habarlaidy Dalanews.kz.
Sapar barysynda ákim týristerdiń qaýipsizdigin qamtamasyz etýge baǵyttalǵan is-sharalardy pysyqtap, soǵan bailanysty birqatar eskertý jasady.
Alakól 13 maýsymnan bastap demalýshylardy qabyldai alady. Alaida burnaǵydai emes, biyl demalys bazalary jarym-jartylai ǵana jumys isteýge májbúr. Koronavirýs infektsiiasynyń taralýyna tosqaýyl qoiý úshin jaǵalaýda tazalyq talaptary kúsheitilgen. Týristerdiń qaýipsizdigine birinshi kezekte kóńil bólinedi.
Alakóldiń Shyǵys jaǵalaýynda demalys oryndary men shomylatyn aimaqtar bir-birine jaqyn ornalasqandyqtan, virýs juqtyrý qaýpi joǵary.
Byltyr Alakóldiń bul aimaǵynda bir sátte 12 myń tarta týrist ornalasatyn edi.
Ahmetovtyń atap ótkenindei biyl Alakól jaǵalaýyna jetý úshin aldymen jyljymaly meditsinalyq pýnktide ekspress-test tapsyrý qajet.
Qazirgi ýaqytta Alakól jaǵasynda 180-ge jýyq demalys bazalary bar. Olardyń basshylarymen qaýipsizdik sharalaryn saqtaý boiynsha kelisim jasalǵan.
Qabanbai aýyldyq aýrýhanasynda on eki oryndyq provizorlyq statsionar ashylǵan. Alakólde koronavirýsqa bailanysty test tapsyratyn eki mobildi pýnkt bar. Jýyq arada taǵy eki medpýnkt ornatý josparlanǵan.
Oblys ákimi Danial Ahmetov bekettiń ainalasy ortalyqtandyrylǵan «Sergek» kameralarymen jabdyqtalatynyn aitty.
"Demalýshylardyń densaýlyǵy úshin biz kúni-túni jumys jasaimyz. Eger dene qyzýy kóterilip tursa, aldymen ekspress testileýden ótedi. Aýrýdyń belgisi bolǵan jaǵdaida PTsR tapsyrady. Ázirge COVID-19 virýsy aýylymyzda tirkelgen joq", - deidi Qabanbai aýyldyq aýrýhanasynyń aǵa dárigeri Gúlmira Jaqiianova.
Ahmetov óz tarapynan demalýshylardyń barlyǵy tekserýden ótýge tiisti ekenin eske saldy.
"Mundai medpýnkterdiń mańyzy joǵary, tiisinshe talap ta qatań bolady", – dedi ákim.
Ahmetov sonymen qatar Alakólde týrizmmen ainalysatyn kásipkerlerge qyzmet sapasyn jańa deńgeige kóterý kerektigin qadap aitty.
"Túriktiń kýrorttarynyń deńgeiine kóterilý úshin - qyzmet kórsetý sapasyn jaqsartý qajet. Sapa jaqsarsa demalýshylar da Alakólge aǵylyp keledi", – dedi aimaq basshysy.
Demalys úileri, aýlalar tolyq dezinfektsiialanyp, sanitaizerler ornatyldy. Adamdardyń arnaiy qashyqtyq saqtaý barysyn da oilastyrdyq. Bul qazir búkil álemde qabyldanyp jatqan sharalar, - deidi óz kezeginde «Áigerim» demalys bazasynyń direktory Áigerim Omaralinova.
– Demalys oryndarynda qyzmet etetin barlyq azamattar da tekserýden ótti. Árbir bólmede dezinfektsiialyq zattar qoiylyp, ashanalar men kafelerde araqashyqtyq saqtaý boiynsha barlyq sharalar qabyldanǵan. Bul sharalar qolaisyzdyq týdyrmaý úshin ońtaily joldary oilastyrylǵan.
