شقو ەكٸمٸ دانيال احمەتوۆ الاكٶل جاعالاۋىنا بارىپ, تۋريستٸك ماۋسىمعا دايىندىق بارىسىمەن تانىستى دەپ حابارلايدى Dalanews.kz.
ساپار بارىسىندا ەكٸم تۋريستەردٸڭ قاۋٸپسٸزدٸگٸن قامتاماسىز ەتۋگە باعىتتالعان ٸس-شارالاردى پىسىقتاپ, سوعان بايلانىستى بٸرقاتار ەسكەرتۋ جاسادى.
الاكٶل 13 ماۋسىمنان باستاپ دەمالۋشىلاردى قابىلداي الادى. الايدا بۇرناعىداي ەمەس, بيىل دەمالىس بازالارى جارىم-جارتىلاي عانا جۇمىس ٸستەۋگە مەجبٷر. كوروناۆيرۋس ينفەكتسيياسىنىڭ تارالۋىنا توسقاۋىل قويۋ ٷشٸن جاعالاۋدا تازالىق تالاپتارى كٷشەيتٸلگەن. تۋريستەردٸڭ قاۋٸپسٸزدٸگٸنە بٸرٸنشٸ كەزەكتە كٶڭٸل بٶلٸنەدٸ.
الاكٶلدٸڭ شىعىس جاعالاۋىندا دەمالىس ورىندارى مەن شومىلاتىن ايماقتار بٸر-بٸرٸنە جاقىن ورنالاسقاندىقتان, ۆيرۋس جۇقتىرۋ قاۋپٸ جوعارى.
بىلتىر الاكٶلدٸڭ بۇل ايماعىندا بٸر سەتتە 12 مىڭ تارتا تۋريست ورنالاساتىن ەدٸ.
احمەتوۆتىڭ اتاپ ٶتكەنٸندەي بيىل الاكٶل جاعالاۋىنا جەتۋ ٷشٸن الدىمەن جىلجىمالى مەديتسينالىق پۋنكتٸدە ەكسپرەسس-تەست تاپسىرۋ قاجەت.
قازٸرگٸ ۋاقىتتا الاكٶل جاعاسىندا 180-گە جۋىق دەمالىس بازالارى بار. ولاردىڭ باسشىلارىمەن قاۋٸپسٸزدٸك شارالارىن ساقتاۋ بويىنشا كەلٸسٸم جاسالعان.
قابانباي اۋىلدىق اۋرۋحاناسىندا ون ەكٸ ورىندىق پروۆيزورلىق ستاتسيونار اشىلعان. الاكٶلدە كوروناۆيرۋسقا بايلانىستى تەست تاپسىراتىن ەكٸ موبيلدٸ پۋنكت بار. جۋىق ارادا تاعى ەكٸ مەدپۋنكت ورناتۋ جوسپارلانعان.
وبلىس ەكٸمٸ دانيال احمەتوۆ بەكەتتٸڭ اينالاسى ورتالىقتاندىرىلعان «سەرگەك» كامەرالارىمەن جابدىقتالاتىنىن ايتتى.
"دەمالۋشىلاردىڭ دەنساۋلىعى ٷشٸن بٸز كٷنٸ-تٷنٸ جۇمىس جاسايمىز. ەگەر دەنە قىزۋى كٶتەرٸلٸپ تۇرسا, الدىمەن ەكسپرەسس تەستٸلەۋدەن ٶتەدٸ. اۋرۋدىڭ بەلگٸسٸ بولعان جاعدايدا پتسر تاپسىرادى. ەزٸرگە COVID-19 ۆيرۋسى اۋىلىمىزدا تٸركەلگەن جوق", - دەيدٸ قابانباي اۋىلدىق اۋرۋحاناسىنىڭ اعا دەرٸگەرٸ گٷلميرا جاقييانوۆا.
احمەتوۆ ٶز تاراپىنان دەمالۋشىلاردىڭ بارلىعى تەكسەرۋدەن ٶتۋگە تيٸستٸ ەكەنٸن ەسكە سالدى.
"مۇنداي مەدپۋنكتەردٸڭ ماڭىزى جوعارى, تيٸسٸنشە تالاپ تا قاتاڭ بولادى", – دەدٸ ەكٸم.
احمەتوۆ سونىمەن قاتار الاكٶلدە تۋريزممەن اينالىساتىن كەسٸپكەرلەرگە قىزمەت ساپاسىن جاڭا دەڭگەيگە كٶتەرۋ كەرەكتٸگٸن قاداپ ايتتى.
"تٷرٸكتٸڭ كۋرورتتارىنىڭ دەڭگەيٸنە كٶتەرٸلۋ ٷشٸن - قىزمەت كٶرسەتۋ ساپاسىن جاقسارتۋ قاجەت. ساپا جاقسارسا دەمالۋشىلار دا الاكٶلگە اعىلىپ كەلەدٸ", – دەدٸ ايماق باسشىسى.
دەمالىس ٷيلەرٸ, اۋلالار تولىق دەزينفەكتسييالانىپ, سانيتايزەرلەر ورناتىلدى. ادامداردىڭ ارنايى قاشىقتىق ساقتاۋ بارىسىن دا ويلاستىردىق. بۇل قازٸر بٷكٸل ەلەمدە قابىلدانىپ جاتقان شارالار, - دەيدٸ ٶز كەزەگٸندە «ەيگەرٸم» دەمالىس بازاسىنىڭ ديرەكتورى ەيگەرٸم ومارالينوۆا.
– دەمالىس ورىندارىندا قىزمەت ەتەتٸن بارلىق ازاماتتار دا تەكسەرۋدەن ٶتتٸ. ەربٸر بٶلمەدە دەزينفەكتسييالىق زاتتار قويىلىپ, اسحانالار مەن كافەلەردە اراقاشىقتىق ساقتاۋ بويىنشا بارلىق شارالار قابىلدانعان. بۇل شارالار قولايسىزدىق تۋدىرماۋ ٷشٸن وڭتايلى جولدارى ويلاستىرىلعان.
