Búgingi tańda Shyǵys Qazaqstanda koronovirýs infektsiiasyn juqtyrǵan 204 adam tirkeldi.
Úrjar aýdanynda da infektsiianyń taralý faktileri tirkelip, sany 14 adamǵa jetti. Sondai-aq, oblysta eshbir belgisiz taralatyn aýrýdyń 100-ge tarta jaǵdaiy tirkelgen.
Iaǵni, bul naýqastar koronavirýs infektsiiasyn tasymaldaýshylar, olarmen bailanysqa túsken jaǵdaida aýrý sany eselep artýy múmkin.
Osy sebepti Alakól jaǵalaýynda tiisti sanitarlyq-epidemiologiialyq talaptar engizilgen.
Aita ketsek kól jaǵasynda 2 shaqyrymǵa sozylyp jatqan shomylatyn jáne serýendeitin jaǵajai bar, onda bir mezette 12 myń adam demalýy bolýy múmkin. Bul aýrýdyń taralýyna áser etetin birden bir kórsetkish.
Ótken jyly Alakólde demalǵandar sany 700 myńnan asqan bolatyn.
Sondyqtan aýrýdy juqtyrý men taralýdyń múmkindigin tómendetý maqsatynda Alakólge kelýshiler merzimi ótpegen PTsR saraptamasy men COVID-19-ǵa tapsyrylǵan test nátijelerin usyný qajet.
Jáne de jaǵalaýǵa kirerde test tapsyryp, anyqtama alýǵa múmkindik beretin arnaiy meditsinalyq pýnkt qyzmet etetin bolady.
Naýqastar anyqtalǵan jaǵdaida Úrjar aýdandyq aýrýhanasynda arnaiy ázirlengen bólimge jetkiziledi.
Kól jaǵasynda ornalasqan Qabandai aýylynda da 12 infektsiialyq oryn daiyndalǵan, 2 tynys alý apparattarymen qamtamasyz etilgen.
– Bizdiń basty maqsat - qazaqstandyqtardyń ómirin qaýipti indetten arashalaý. Sanitarlyq talapty elemei, tek tabys tabýdy ǵana kózdeseńizder, jaǵdai ýshyǵyp ketedi. Demalýǵa kelgen azamattardyń qaýipsizdigin barynsha qamtamasyz etýlerińiz qajet.
Barlyq týristik nysandar demalys maýsymyna daiyn ekenin dáleldeitin aktini alǵasyn ǵana iske kirisedi, – dedi kásipkerlermen kezdesken Danial Ahmetov.
Oblystyń bas sanitarlyq dárigeri Marat Ismailovtyń málimetinshe atalǵan aktini ázir birde - bir kásipker almaǵan.
Jaǵalaýda ornalasqan týristik nysandardyń karantin jaǵdaiyna beiimdelip, qyzmetin bastaýyn arnaiy qurylǵan 3 saraptamalyq top tekseretin bolady.
5-9 maýsym aralyǵynda top músheleri barlyq 175 demalys bazasyn tekserýden ótkizdi.
Qazirgi tańda sanitarlyq-epidemiologiialyq talaptardy saqtai otyryp 72 demalys orny qyzmetterin bastady, qalǵan 103-i daiyndyq ústinde.
41 nysanda dezinfektsiialyq qurylǵylar, 31-nde sanitaizerler, 20-da termometrler ornatylǵan. Tek ekeýinde ǵana kelýshiler sany men kezegin retteý rejimi qamtamasyz etilgen.
Sonymen qatar, kól jaǵasyndaǵy 43 saýda jáne qyzmet kórsetý nysannyń ekeýi ǵana iske qosylǵan. Tekserý barysynda sanitarlyq talaptardy buzýdyń 7 jaǵdaiy anyqtaldy.
Aimaq basshysy atalmysh saýda nysandaryna baryp, máseleni túbegeili sheshkenshe qyzmetin toqtatýdy tapsyrdy.
Demalys oryndarynyń tazalyq talabyna sai bolýyn baqylaý jaz boiy júredi. Ákimmen júzdesken kásipkerler ózderin mazalaǵan saýalǵa jaýap alý, sanitarlyq talaptyń saqtalýy mańyzdy ekenin atap ótti.
– Munyń bári halyqtyń densaýlyǵynan oilaǵannan jasalyp otyr. Mundai bastamany biraýyzdan qoldaimyz jáne sonyń negizinde Alakól jaǵalaýyna qaýipti indettiń taralýyna tejeý salamyz degen úmitim bar. Demalýshylardyń barlyǵynan emin-erin demalý úshin aldymen testiden ótýin suraimyz, – dedi óz kezeginde "Injý" demalys aimaǵynyń basshysy Dýlat Asylbekov.
Kásipkerlerdiń ótinishi boiynsha Shyǵys Qazaqstan oblysynyń ákimi biznes nysandarynyń qyzmetin jalǵastyrýdyń jańa shartyn usyndy.
Eger, 13-23 maýsym aralyǵynda kól jaǵalaýynda koronavirýs infektsiiasy tirkelmese, demalys oryndarynyń basshylaryna qonaq úilerdiń jobalyq syiymdylyǵyna sáikes 75%-ǵa deiin adamdardy ornalastyrýǵa ruqsat etiledi.
Turaqty epidemiologiialyq jaǵdai saqtalsa, biznestiń barlyq nysany 1 shildeden bastap tolyqqandy jumystaryn bastai alady.
