بٷگٸنگٸ تاڭدا شىعىس قازاقستاندا كورونوۆيرۋس ينفەكتسيياسىن جۇقتىرعان 204 ادام تٸركەلدٸ.
ٷرجار اۋدانىندا دا ينفەكتسييانىڭ تارالۋ فاكتٸلەرٸ تٸركەلٸپ, سانى 14 ادامعا جەتتٸ. سونداي-اق, وبلىستا ەشبٸر بەلگٸسٸز تارالاتىن اۋرۋدىڭ 100-گە تارتا جاعدايى تٸركەلگەن.
ياعني, بۇل ناۋقاستار كوروناۆيرۋس ينفەكتسيياسىن تاسىمالداۋشىلار, ولارمەن بايلانىسقا تٷسكەن جاعدايدا اۋرۋ سانى ەسەلەپ ارتۋى مٷمكٸن.
وسى سەبەپتٸ الاكٶل جاعالاۋىندا تيٸستٸ سانيتارلىق-ەپيدەميولوگييالىق تالاپتار ەنگٸزٸلگەن.
ايتا كەتسەك كٶل جاعاسىندا 2 شاقىرىمعا سوزىلىپ جاتقان شومىلاتىن جەنە سەرۋەندەيتٸن جاعاجاي بار, وندا بٸر مەزەتتە 12 مىڭ ادام دەمالۋى بولۋى مٷمكٸن. بۇل اۋرۋدىڭ تارالۋىنا ەسەر ەتەتٸن بٸردەن بٸر كٶرسەتكٸش.
ٶتكەن جىلى الاكٶلدە دەمالعاندار سانى 700 مىڭنان اسقان بولاتىن.
سوندىقتان اۋرۋدى جۇقتىرۋ مەن تارالۋدىڭ مٷمكٸندٸگٸن تٶمەندەتۋ ماقساتىندا الاكٶلگە كەلۋشٸلەر مەرزٸمٸ ٶتپەگەن پتسر ساراپتاماسى مەن COVID-19-عا تاپسىرىلعان تەست نەتيجەلەرٸن ۇسىنۋ قاجەت.
جەنە دە جاعالاۋعا كٸرەردە تەست تاپسىرىپ, انىقتاما الۋعا مٷمكٸندٸك بەرەتٸن ارنايى مەديتسينالىق پۋنكت قىزمەت ەتەتٸن بولادى.
ناۋقاستار انىقتالعان جاعدايدا ٷرجار اۋداندىق اۋرۋحاناسىندا ارنايى ەزٸرلەنگەن بٶلٸمگە جەتكٸزٸلەدٸ.
كٶل جاعاسىندا ورنالاسقان قابانداي اۋىلىندا دا 12 ينفەكتسييالىق ورىن دايىندالعان, 2 تىنىس الۋ اپپاراتتارىمەن قامتاماسىز ەتٸلگەن.
– بٸزدٸڭ باستى ماقسات - قازاقستاندىقتاردىڭ ٶمٸرٸن قاۋٸپتٸ ٸندەتتەن اراشالاۋ. سانيتارلىق تالاپتى ەلەمەي, تەك تابىس تابۋدى عانا كٶزدەسەڭٸزدەر, جاعداي ۋشىعىپ كەتەدٸ. دەمالۋعا كەلگەن ازاماتتاردىڭ قاۋٸپسٸزدٸگٸن بارىنشا قامتاماسىز ەتۋلەرٸڭٸز قاجەت.
بارلىق تۋريستٸك نىساندار دەمالىس ماۋسىمىنا دايىن ەكەنٸن دەلەلدەيتٸن اكتٸنٸ العاسىن عانا ٸسكە كٸرٸسەدٸ, – دەدٸ كەسٸپكەرلەرمەن كەزدەسكەن دانيال احمەتوۆ.
وبلىستىڭ باس سانيتارلىق دەرٸگەرٸ مارات يسمايلوۆتىڭ مەلٸمەتٸنشە اتالعان اكتٸنٸ ەزٸر بٸردە - بٸر كەسٸپكەر الماعان.
جاعالاۋدا ورنالاسقان تۋريستٸك نىسانداردىڭ كارانتين جاعدايىنا بەيٸمدەلٸپ, قىزمەتٸن باستاۋىن ارنايى قۇرىلعان 3 ساراپتامالىق توپ تەكسەرەتٸن بولادى.
5-9 ماۋسىم ارالىعىندا توپ مٷشەلەرٸ بارلىق 175 دەمالىس بازاسىن تەكسەرۋدەن ٶتكٸزدٸ.
قازٸرگٸ تاڭدا سانيتارلىق-ەپيدەميولوگييالىق تالاپتاردى ساقتاي وتىرىپ 72 دەمالىس ورنى قىزمەتتەرٸن باستادى, قالعان 103-ٸ دايىندىق ٷستٸندە.
41 نىساندا دەزينفەكتسييالىق قۇرىلعىلار, 31-ندە سانيتايزەرلەر, 20-دا تەرمومەترلەر ورناتىلعان. تەك ەكەۋٸندە عانا كەلۋشٸلەر سانى مەن كەزەگٸن رەتتەۋ رەجيمٸ قامتاماسىز ەتٸلگەن.
سونىمەن قاتار, كٶل جاعاسىنداعى 43 ساۋدا جەنە قىزمەت كٶرسەتۋ نىساننىڭ ەكەۋٸ عانا ٸسكە قوسىلعان. تەكسەرۋ بارىسىندا سانيتارلىق تالاپتاردى بۇزۋدىڭ 7 جاعدايى انىقتالدى.
ايماق باسشىسى اتالمىش ساۋدا نىساندارىنا بارىپ, مەسەلەنٸ تٷبەگەيلٸ شەشكەنشە قىزمەتٸن توقتاتۋدى تاپسىردى.
دەمالىس ورىندارىنىڭ تازالىق تالابىنا ساي بولۋىن باقىلاۋ جاز بويى جٷرەدٸ. ەكٸممەن جٷزدەسكەن كەسٸپكەرلەر ٶزدەرٸن مازالاعان ساۋالعا جاۋاپ الۋ, سانيتارلىق تالاپتىڭ ساقتالۋى ماڭىزدى ەكەنٸن اتاپ ٶتتٸ.
– مۇنىڭ بەرٸ حالىقتىڭ دەنساۋلىعىنان ويلاعاننان جاسالىپ وتىر. مۇنداي باستامانى بٸراۋىزدان قولدايمىز جەنە سونىڭ نەگٸزٸندە الاكٶل جاعالاۋىنا قاۋٸپتٸ ٸندەتتٸڭ تارالۋىنا تەجەۋ سالامىز دەگەن ٷمٸتٸم بار. دەمالۋشىلاردىڭ بارلىعىنان ەمٸن-ەرٸن دەمالۋ ٷشٸن الدىمەن تەستٸدەن ٶتۋٸن سۇرايمىز, – دەدٸ ٶز كەزەگٸندە "ٸنجۋ" دەمالىس ايماعىنىڭ باسشىسى دۋلات اسىلبەكوۆ.
كەسٸپكەرلەردٸڭ ٶتٸنٸشٸ بويىنشا شىعىس قازاقستان وبلىسىنىڭ ەكٸمٸ بيزنەس نىساندارىنىڭ قىزمەتٸن جالعاستىرۋدىڭ جاڭا شارتىن ۇسىندى.
ەگەر, 13-23 ماۋسىم ارالىعىندا كٶل جاعالاۋىندا كوروناۆيرۋس ينفەكتسيياسى تٸركەلمەسە, دەمالىس ورىندارىنىڭ باسشىلارىنا قوناق ٷيلەردٸڭ جوبالىق سىيىمدىلىعىنا سەيكەس 75%-عا دەيٸن ادامداردى ورنالاستىرۋعا رۇقسات ەتٸلەدٸ.
تۇراقتى ەپيدەميولوگييالىق جاعداي ساقتالسا, بيزنەستٸڭ بارلىق نىسانى 1 شٸلدەدەن باستاپ تولىققاندى جۇمىستارىن باستاي الادى.
