Axios málimetinshe, Donald Tramp ákimshiligi Taiaý Shyǵystaǵy áskeri qatysýyn kúrt kúsheitken. Óńirge eki áýe tasymaldaýshy keme, júzdegen joiǵysh ushaq jáne qarý-jaraq tielgen 150-den astam reis jóneltilgen. Sońǵy bir táýlik ishinde ǵana aimaqqa 50-ge jýyq F-35, F-22 jáne F-16 áskeri ushaǵy jetkizilgen, dep habarlaidy Dalanews.kz.
Aq úidegi derekkózderdiń aitýynsha, áńgime bir rettik soqqy týraly emes, birneshe aptaǵa sozylýy múmkin aýqymdy áskeri qaqtyǵys jóninde bolyp otyr. Bul operatsiia Izrailmen birlesip júzege asýy yqtimal.
Tramptyń keńesshileriniń biri jaǵdaidyń ýshyǵyp bara jatqanyn aityp, aldaǵy aptalarda áskeri is-qimyldardyń bastalý múmkindigin 90 paiyz dep baǵalaǵan.
Axios dereginshe, Izrail áskeri áreketterdi aldaǵy birneshe kúnde bastaýǵa daiyn bolýy múmkin. Al AQSh tarapynan soqqylar sál keiinirek jasalýy yqtimal degen boljam bar.
