Axios مالىمەتىنشە، دونالد ترامپ اكىمشىلىگى تاياۋ شىعىستاعى اسكەري قاتىسۋىن كۇرت كۇشەيتكەن. وڭىرگە ەكى اۋە تاسىمالداۋشى كەمە، جۇزدەگەن جويعىش ۇشاق جانە قارۋ-جاراق تيەلگەن 150-دەن استام رەيس جونەلتىلگەن. سوڭعى ءبىر تاۋلىك ىشىندە عانا ايماققا 50-گە جۋىق F-35، F-22 جانە F-16 اسكەري ۇشاعى جەتكىزىلگەن، دەپ حابارلايدى Dalanews.kz.
اق ۇيدەگى دەرەككوزدەردىڭ ايتۋىنشا، اڭگىمە ءبىر رەتتىك سوققى تۋرالى ەمەس، بىرنەشە اپتاعا سوزىلۋى مۇمكىن اۋقىمدى اسكەري قاقتىعىس جونىندە بولىپ وتىر. بۇل وپەراسيا يزرايلمەن بىرلەسىپ جۇزەگە اسۋى ىقتيمال.
ترامپتىڭ كەڭەسشىلەرىنىڭ ءبىرى جاعدايدىڭ ۋشىعىپ بارا جاتقانىن ايتىپ، الداعى اپتالاردا اسكەري ءىس-قيمىلداردىڭ باستالۋ مۇمكىندىگىن 90 پايىز دەپ باعالاعان.
Axios دەرەگىنشە، يزرايل اسكەري ارەكەتتەردى الداعى بىرنەشە كۇندە باستاۋعا دايىن بولۋى مۇمكىن. ال اقش تاراپىنان سوققىلار ءسال كەيىنىرەك جاسالۋى ىقتيمال دەگەن بولجام بار.
