Armeniia, Belarýs pen Qyrǵyzstannan kontrabandalyq jolmen kólik tasyp, qyrýar paida taýyp júrgen uiymdasqan top Prezident Toqaev jariialaǵan avtokólikterdi zańdastyrýdyń bir rettik sharasyn odan ári uzartý jolynda túrli áreketter uiymdastyra bastady, dep habarlaidy Dalanews.kz DALA INSIDE telegram arnasyna siltep.
Arna málimetinshe, bul kóleńkeli naryq ainalymy milliard teńgeden asyp jyǵylady jáne osydan dividend kóretin alypsatarlardyń, kontrabandashylardyń, saqtandyrýshylardyń uiymdasqan toby paida bolǵan. Kúrdeli tizbekter arqyly shetelge aqsha shyǵarýdyń shemalary jumys istegen.
“Shara barysynda zańdy jáne qylmystyq izi joq kólikter áldeqashan zańdastyryldy. Endi tek tekserýden óte almaǵan kúmándi jáne urlanǵan kólik ieleri qalyp otyr. Olar media toptar men túrli blogerlerdi jaldap, aqparattyq shantajǵa kóshe bastady”, - deidi DALA INSIDE.
Urlanǵan kólikterdi de kirgizeiik degen ideia halyqtan qoldaý tabý úshin "Eýraziialyq odaq, ODKB-dan shyǵaiyq" degen popýlistik urandarmen tuzdyqtalýda. Onyń artynda Sorostan grant alatyn úkimettik emes uiymdardyń qulaǵy qyltiiady.
