Áýe biletteri satylymy jónindegi Aviata servisiniń ataýy Freedom Travel dep ózgertildi. Al jolaýshylar úirenip qalǵan mundaǵy basty múmkindikter - biletterdi izdeý, jeke kabinet jáne 24/7 qoldaý sol kúii ózgerissiz qalyp otyr, dep habarlaidy Dalanews.kz.
Saittaǵy derekterge súiensek, jolaýshylardyń akkaýnty men málimeti, brondar tarihy, aqysy tólengen biletter men otyrǵyzý talondary saqtaýly bolady.
Aviata.kz saity qosymsha jumys istei beredi, biraq qoldanýshylardy jańa saitqa joldap otyrady. Qoldanbany óshirip, jańasyn júkteýdiń keregi joq. Ol ózdiginen jańarady.
2013 jyly qurylǵan Aviata servisi 2023 jylǵy sáýirde Aviata Freedom Holding Corp. quramyna kirdi. Bul qadam holdingtiń tólem júiesi men saqtandyrý kompaniialarymen birigýine jol ashty.
"Bul rebrending — servistiń ózgerý úshin basqan mańyzdy qadamy ári Freedom ekojúiesine tolyqtai enýi", delingen kompaniia habarlamasynda.
Freedom ekojúiesi — investitsiia, qarjy, saqtandyrý, mobail bailanys, laifstail salasyndaǵy kompaniialar birikken júie. Onyń barlyq derlik ónimin Freedom SuperApp qoldanbasynan taba alasyzdar.
Freedom Travel óz qoldanýshylaryna mynandai tiimdi keshbek usynady: Freedom ekojúiesi ishinde ushaq biletinen 14% deiin, poiyz biletinen kemi 13%, shetelge ushatyndarǵa tegin roýming internet, táýlik boiyna qoldaý qyzmeti jáne saqtandyrý.
Keshbek Freedom investitsiialyq valiýtasy bolyp túsedi. Freedom valiýtasy Freedom holdingi aktsiialarynyń týyndy baǵaly qaǵazy bolyp tabylady.
Freedom Holding Corp. AQSh-ta tirkelgen. Holdingtiń bas keńsesi Almatyda ornalasqan. Onyń bólimsheleri men enshiles kompaniialary Qazaqstan, AQSh, Kipr, Polsha, Ispaniia, Ózbekstan, Ázirbaijan jáne basqalaryn qosa alǵanda 20 elde ornalasqan. Búgingi kúni holdingtiń jai aktsiialary Nasdaq Capital Market, KASE, sondai-aq AIX-te saýdalanady. Baqylaýshy aktsioneri kásipker Timýr Týrlov bolyp tabylady.
