اۋە بيلەتتەرى ساتىلىمى جونىندەگى Aviata سەرۆيسىنىڭ اتاۋى Freedom Travel دەپ وزگەرتىلدى. ال جولاۋشىلار ۇيرەنىپ قالعان مۇنداعى باستى مۇمكىندىكتەر - بيلەتتەردى ىزدەۋ، جەكە كابينەت جانە 24/7 قولداۋ سول كۇيى وزگەرىسسىز قالىپ وتىر، دەپ حابارلايدى Dalanews.kz.
سايتتاعى دەرەكتەرگە سۇيەنسەك، جولاۋشىلاردىڭ اككاۋنتى مەن مالىمەتى، بروندار تاريحى، اقىسى تولەنگەن بيلەتتەر مەن وتىرعىزۋ تالوندارى ساقتاۋلى بولادى.
Aviata.kz سايتى قوسىمشا جۇمىس ىستەي بەرەدى، ءبىراق قولدانۋشىلاردى جاڭا سايتقا جولداپ وتىرادى. قولدانبانى ءوشىرىپ، جاڭاسىن جۇكتەۋدىڭ كەرەگى جوق. ول وزدىگىنەن جاڭارادى.
2013 جىلى قۇرىلعان Aviata سەرۆيسى 2023 جىلعى ساۋىردە اۆياتا Freedom Holding Corp. قۇرامىنا كىردى. بۇل قادام حولدينگتىڭ تولەم جۇيەسى مەن ساقتاندىرۋ كومپانيالارىمەن بىرىگۋىنە جول اشتى.
"بۇل رەبرەندينگ — سەرۆيستىڭ وزگەرۋ ءۇشىن باسقان ماڭىزدى قادامى ءارى Freedom ەكوجۇيەسىنە تولىقتاي ەنۋى"، دەلىنگەن كومپانيا حابارلاماسىندا.
Freedom ەكوجۇيەسى — ينۆەستيسيا، قارجى، ساقتاندىرۋ، موبايل بايلانىس، لايفستايل سالاسىنداعى كومپانيالار بىرىككەن جۇيە. ونىڭ بارلىق دەرلىك ءونىمىن Freedom SuperApp قولدانباسىنان تابا الاسىزدار.
Freedom Travel ءوز قولدانۋشىلارىنا مىنانداي ءتيىمدى كەشبەك ۇسىنادى: Freedom ەكوجۇيەسى ىشىندە ۇشاق بيلەتىنەن 14% دەيىن، پويىز بيلەتىنەن كەمى 13%، شەتەلگە ۇشاتىندارعا تەگىن روۋمينگ ينتەرنەت، تاۋلىك بويىنا قولداۋ قىزمەتى جانە ساقتاندىرۋ.
كەشبەك Freedom ينۆەستيسيالىق ۆاليۋتاسى بولىپ تۇسەدى. Freedom ۆاليۋتاسى Freedom حولدينگى اكسيالارىنىڭ تۋىندى باعالى قاعازى بولىپ تابىلادى.
Freedom Holding Corp. اقش-تا تىركەلگەن. حولدينگتىڭ باس كەڭسەسى الماتىدا ورنالاسقان. ونىڭ بولىمشەلەرى مەن ەنشىلەس كومپانيالارى قازاقستان، اقش، كيپر، پولشا، يسپانيا، وزبەكستان، ءازىربايجان جانە باسقالارىن قوسا العاندا 20 ەلدە ورنالاسقان. بۇگىنگى كۇنى حولدينگتىڭ جاي اكسيالارى Nasdaq Capital Market، KASE، سونداي-اق AIX-تە ساۋدالانادى. باقىلاۋشى اكسيونەرى كاسىپكەر تيمۋر تۋرلوۆ بولىپ تابىلادى.
