«Aýyl» partiiasy Quryltaidaǵy 10 depýtattyq mandatqa ie bolatyn kandidattardyń tizimin bekitti, dep habarlaidy dalanews.kz.
26 tamyzda partiia Saiasi keńesi Biýrosynyń otyrysy ótip, sheshim 23 tamyzda ótken Quryltai sailaýynyń qorytyndysy boiynsha qabyldandy. Sailaý nátijesinde «Aýyl» partiiasy 10 depýtattyq mandatqa ie bolǵan.
Partiia Jarǵysyna sáikes, Saiasi keńes Biýrosy myna kandidattardy Quryltai depýtattyǵyna bekitti: Qairat Aitýǵanov, Shahmardan Baimanov, Zahira Begalieva, Serik Egizbaev, Murat Irgibaev, Ajar Kadjibekova, Vladimir Kiian, Almas Muhametov, Dinara Raihanova jáne Rabiǵa Toqseitova.
Tiisti qujattar depýtattardy tirkeý úshin zańnamada belgilengen tártippen Qazaqstan Respýblikasynyń Ortalyq sailaý komissiiasyna joldandy.
Partiia málimetinshe, depýtattyq mandattardy bólý kezinde áielder, jastar jáne múgedektigi bar adamdardyń ókildigine qatysty zań talaptary saqtalǵan. Bul sanattardyń jańa quramdaǵy jiyntyq úlesi 60%-dy qurady.
Partiia jańa depýtattyq quramdy kandidattardyń kásibi biliktiligi men quzyretterin eskere otyryp jasaqtaǵanyn málimdedi. Onyń quramyna agrarlyq sektor, memlekettik basqarý, ǵylym, biznes jáne áleýmettik salanyń ókilderi kirdi.
Atap aitqanda, jańa fraktsiia quramynda agronomdar, veterinariia mamandary, ǵalymdar, biotehnologiia salasynyń sarapshylary, sondai-aq memlekettik basqarý, áleýmettik saiasat jáne inkliýziia baǵytyndaǵy mamandar bar.
Jańa fraktsiianyń negizgi mindeti partiianyń sailaýaldy baǵdarlamasyn iske asyrý bolmaq. Depýtattar óńirlerdi damytý, azyq-túlik qaýipsizdigin qamtamasyz etý, infraqurylymdy jaqsartý, áleýmettik saiasat, bilim men ǵylym, otbasy men jastardy qoldaý, sondai-aq ekologiia máselelerine basymdyq bermek.
Sonymen qatar partiia bekitilgen tizimge enbegen kandidattardyń arasynan kadrlyq rezerv qalyptastyryp, olardy saraptamalyq, qoǵamdyq jáne uiymdastyrýshylyq jumystarǵa tartýdy josparlap otyr.
Partiianyń málimdeýinshe, «Aýyldyń» basty maqsaty – sailaýshylardyń senimin aqtap, sailaýaldy baǵdarlamany naqty jobalar men ister arqyly júzege asyrý.
