Memleket basshysy ál-Farabi atyndaǵy QazUÝ-da ǵylymi qoǵamdastyqpen kezdesti, dep habarlaidy Dalanews.kz.
Qasym-Jomart Toqaev ǵylymdy qarjylandyrý isine qatań tártip kerek, qarajatty basymdyqtarǵa qarai jumsaǵan jón dep sanaidy.
"Memleket keiingi alty jylda ǵylymǵa arnalǵan qarjyny birneshe ese ulǵaitty. Jyl saiyn ǵylymǵa 200 milliard teńgeden asa, tipti budan da kóp, 500 million dollardan asa qarjy bólinedi. Bul – Qazaqstan úshin qomaqty aqsha. Alaida ǵylymdy qarjylandyrýdyń naqty nátijesin ázirge kóre almai otyrmyz. Bas prokýratýra salalyq ministrlikte jáne Ǵylym qorynda kóptegen ári aýqymdy zańbuzýshylyqtarǵa jol berilgenin áshkereledi. Nelikten osylai bolǵanyn tap basyp aitý qiyn. Grant alýshylardy akkreditteýden bastap qarjylandyrý úderisiniń barlyq kezeńinde kemshilikter kózge kórinip tur", - dedi Toqaev.Memleket basshysynyń pikirinshe, ǵylym men jemqorlyq - bir birine kereǵar qubylys, ekeýi qatar atalmaýǵa tiis.
"Memleket qarjysyn jymqyrǵysy keletin kez kelgen áreketke tosqaýyl qoiatyn súzgi ne kedergi joq. Ǵylymi úderisti damytýdyń tujyrymdy kózqarasy qalyptaspaǵan. "Áiteýir qarajatty qalaida igersek boldy" degen ustanym tamyr jaiǵan. Ǵylymi jumystyń naqty paidasy, jańashyldyǵy qandai? Oǵan eshkim bas qatyrmaidy. Buǵan qosa, saraptama uzaqqa sozylady. Jobalar ýaqtyly iske aspaidy. Úkimet osy máselelerdi egjei-tegjeili tekserip, jaǵdaidy túzeý úshin shuǵyl sharalar qabyldaýy qajet", – dedi Prezident.
