Nazarbaev áýletiniń eks-qudasy Qairat Boranbaevtyń eldegi jáne alys-jaqyn sheteldegi bailyǵy el aýzynda. Bul joly onyń Reseidegi aktivteri sóz bolady, - dep habarlaidy Dalanews.kz.
Vyhod k moriý málimetterine súiensek,Nursultan Nazarbaev otbasynyń taǵy bir múshesi Qairat Boranbaev Máskeýdegi biznesin belsendi damytyp jatyr.
"Áńgime Resei Federatsiiasyndaǵy eń qymbat jyljymaityn múlik sanalatyn, Máskeý qalasyndaǵy "Federatsiia" shyǵys munarasyndaǵy nysan týraly bolyp otyr. Oǵan Dariǵa Nazarbaevanyń burynǵy qudasynyń kompaniiasy ielik etedi.
Boranbaevtyń "A-Aktiv" JShQ balansynda 37-qabatta ornalasqan, aýdany 2354 sharshy metr keńse bólmeleri bar. Nysannyń kadastrlyq quny - 450 million rýbl. Byltyr jyl sońynda ǵimarattaǵy qabattyń kem degende jartysyn Work Nation kovorkingine ainaldyrý týraly sheshim qabyldandy, ony sol "A-Aktiv" JShQ basqarady. Resei Federatsiiasynda kompaniia tipti tiisti saýda belgisin de tirkedi.
Boranbaev osy ǵimarattaǵy 92-qabatta ornalasqan aýdany 482 sharshy metr páterlerge ie. Muny satyp alý kásipkerge kem degende 2 milliard rýblge túsken. Bul múlik áli kúnge deiin onyń "A-Aktiv" kompaniiasynda tirkelgen, biraq Resei men Ýkraina soǵysy bastalǵannan keiin onyń quny aitarlyqtai tómendedi.
"A-Aktiv" balansynda "Federatsiia" munarasynyń astyndaǵy jeke parkingte 13 kólikke arnalǵan oryn jáne bes kólik bar: eki Mercedes GLS 450 4MATIC 2019 jáne 2020, bir Mercedes S 560 4MATIC Maybach, onyń ortasha naryqtyq quny - 10 million rýbl. Sondai-aq, 2021 jylǵy Toyota Camry jáne quny 6 million rýbl bolatyn Volkswagen Tiguan bar", - dep jazylǵan arna málimetinde.
Sonymen qatar, arna aqparatynda Qairat Boranbaevtyń ieliginde Resei men Qazaqstandaǵy McDonald's franshizasyna qyzmet kórsetken "Azyq-túlik kásiporyndarynyń óńirlik jelisi" JShQ da bary aitylady. Bul kompaniianyń jarǵylyq kapitaly 6 mlrd rýbl nemese 30 mlrd teńgege jýyq eken. Al Boranbaevtyń taǵy bir kompaniiasy, iaǵni "Konsaltinggaz" JShQ qala mańyndaǵy elitalyq jyljymaityn múlikti basqarý úshin ashylypty.
Qairat Boranbaev buǵan deiin eldegi, Esentai Tower-degi qymbat úiin de daýlaǵan edi. Bul týraly prokadrykz arnasy men Press Kz basylymy jazdy.
Arna málimetinshe, bai kásipker Qairat Boranbaevtyń sot oryndaýshysyna qarsy bergen talap-aryzynyń mazmuny belgili bolǵan.
"Ol óziniń úlesin, sondai-aq, tárkilengen jyljymaityn múliktegi jubaiynyń úlesin anyqtaýdy suraǵan.
Áńgime Almatydaǵy Ál-Farabi, 77/7,1 mekenjaiynda ornalasqan, quny 686 million teńge bolatyn kommertsiialyq úi-jai týraly bolyp otyr.
2GIS málimetteri boiynsha bul aýmaq Esentai Tower biznes ortalyǵynda ornalasqan", - dep jazylǵan arna málimetinde.
Press Kz málimetinshe, Boranbaev bul múlikti óziniń jáne jubaiy Sholpan Boranbaevanyń úlesi teń dep tanylýǵa tiis birlesken paida dep sanaidy eken. Alaida sot tárkilengen úi-jai qylmystyq aqshaǵa satyp alynǵanyn kórsetken. Demek, ony neke kezinde erli-zaiypty tapqan múlik retinde qarastyrýǵa bolmaidy.
Aita keteiik, byltyr 6 qarashada Qairat Boranbaev bostandyqqa shyqty. Al oǵan deiin naýryzda ol 8 jylǵa sottaldy. Qyrkúiekte jaza merzimi 6 jylǵa deiin qysqardy.
Sonymen qatar, "bai quda" Astananyń ortalyǵyndaǵy 4 juldyzdy qonaqúidi, basqa da biraz múlikti memleket menshigine tapsyrdy. Al aýmaǵy bes myń sharshy metrden asatyn qonaqúi kesheniniń jyldyq ainalymy shamamen 900 million teńgeden asady eken.
